അബുദാബി: യുഎഇയിൽ നാലാം ദിവസവും മഴ തുടരുന്നു. പല മേഖലകളിലും മേഘാവൃതമായ അന്തരീക്ഷമാണ് നിലനിൽക്കുന്നത്. യുഎഇയിലെ താപനിലയിലും കുറവ് രേഖപ്പെടുത്തിയിട്ടുണ്ട്.
Read Also: ‘ഇല്ലാത്ത കാര്യങ്ങള്‍ പറഞ്ഞ് കള്ളക്കഥകള്‍ മെനയാന്‍ ശ്രീലേഖ വിദഗ്ധയാണ്’: ജോമോന്‍ പുത്തന്‍പുരയ്ക്കല്‍
അൽഐനിലും തിങ്കളാഴ്ച മഴ പെയ്യുമെന്ന് കാലാവസ്ഥാ വിദഗ്ധർ മുന്നറിയിപ്പ് നൽകി. ഫുജൈറയിൽ മഴ അനുഭവപ്പെടുന്ന വീഡിയോ സാമൂഹ്യ മാധ്യമങ്ങളിൽ പ്രചരിക്കുന്നുണ്ട്. യുഎഇയുടെ കിഴക്കൻ ഭാഗങ്ങളിലും, തെക്ക് ഭാഗങ്ങളിലെ ചില പ്രദേശങ്ങളിലും തിങ്കളാഴ്ച മഴയ്ക്ക് സാധ്യതയുണ്ടെന്നാണ് കാലാവസ്ഥാ പ്രവചനം.
മഴയുടെ സാഹചര്യത്തിൽ പൊതുജനങ്ങൾ ജാഗ്രത പാലിക്കണമെന്ന് കാലാവസ്ഥാ നിരീക്ഷണ കേന്ദ്രം അഭ്യർത്ഥിച്ചു. ഡ്രൈവർമാർ വാഹനമോടിക്കുമ്പോൾ ഇൻഫർമേഷൻ ബോർഡുകളിൽ പ്രദർശിപ്പിച്ചിരിക്കുന്ന വേഗപരിധി പാലിക്കണമെന്ന് യുഎഇ ആഭ്യന്തര മന്ത്രാലയവും അബുദാബി പോലീസും നിർദ്ദേശിച്ചു. വരും ദിവസങ്ങളിലും രാജ്യത്ത് മഴ തുടരുമെന്നാണ് പ്രതീക്ഷിക്കപ്പെടുന്നത്.
Post Your Comments