ക്ഷേത്രത്തിലെത്തി തിടപ്പള്ളിയുടെ വാതില്‍ തകര്‍ത്ത് ആന, നിലവിളക്കുകളും മറ്റ് ക്ഷേത്ര സാധനങ്ങളും നശിപ്പിച്ചു

മാനന്തവാടി: വയനാട് ക്ഷേത്രത്തിലേക്ക് ഓടിക്കയറിയ ആന തിടപ്പള്ളിയുടെ വാതില്‍ തകര്‍ത്ത് നിലവിളക്കുകളും മറ്റ് ക്ഷേത്ര സാധനങ്ങളും നശിപ്പിച്ചു. തലപ്പുഴ പുതിയിടം മുനീശ്വന്‍ കോവില്‍ ക്ഷേത്രത്തിലാണ് ആന നാശനഷ്ടം വരുത്തിയത്.

Also Read:മനുഷ്യന്റെ മാനസിക ആരോഗ്യത്തിന്

ക്ഷേത്രത്തിലേക്ക് ഓടിക്കയറിയ ആന തിടപ്പള്ളിയുടെ വാതില്‍ തകര്‍ത്ത് നിലവിളക്കുകള്‍, ഉരുളികള്‍, പൂജയ്ക്ക് ഉപയോഗിക്കുന്ന സാധന സാമഗ്രികള്‍, ഗ്യാസ് സ്റ്റൗ, മറ്റ് ക്ഷേത്ര ഉപകരണങ്ങള്‍ എന്നിവ നശിപ്പിച്ചു. 40000-ത്തോളം രൂപയുടെ നാശനഷ്ടം ആന മൂലം ഉണ്ടായിട്ടുണ്ടെന്നാണ് ക്ഷേത്രം ഭാരവാഹികള്‍ അറിയിച്ചത്.

തുടർന്ന്, ഏറെ നേരങ്ങൾക്ക് ശേഷം ആന തിരിച്ചു പോയതോടെ തലപ്പുഴ ഫോറസ്റ്റ് സ്റ്റേഷനിലെത്തി ക്ഷേത്രം ഭാരവാഹികള്‍ പരാതി നല്‍കുകയായിരുന്നു.