കണ്ണൂര്‍: കണ്ണൂരില്‍ സൈക്കിള്‍ യാത്രക്കാരനായ വിദ്യാര്‍ത്ഥി വാഹനമിടിച്ച് മരിച്ചു. കണ്ണൂര്‍ പാപ്പിനിശ്ശേരി സ്വദേശി മുഹമ്മദ് ഫര്ഹീന് (15) ആണ് മരിച്ചത്.
മൂന്ന് ദിവസം മുന്‍പാണ് സൈക്കിളിൽ പോകുകയായിരുന്ന മുഹമ്മദ് ഫര്ഹീന് അപകടം നടന്നത്. ഗുരുതരമായി പരിക്കേറ്റ ഫര്‍ഹീനെ സ്വകാര്യ ആശുപത്രിയില്‍ പ്രവേശിപ്പിക്കുകയായിരുന്നു. ചികിത്സയിലിരിക്കേ, ആരോഗ്യനില വഷളായതിനെ തുടര്‍ന്നാണ് ഇന്ന് മരിച്ചത്.
കുട്ടിയെ ഇടിച്ചിട്ട വാഹനം നിര്‍ത്താതെ പോയി. വാഹനം കണ്ടെത്താനുള്ള പോലീസിന്റെ ശ്രമം പുരോഗമിക്കുകയാണ്. പാപ്പിനിശ്ശേരി ഗവ. ഹയര്‍ സെക്കന്‍ഡറി സ്കൂള് വിദ്യാര്‍ത്ഥിയാണ് ഫര്ഹീന്.
Post Your Comments