കൈ​ക്കൂ​ലി : ക​ണ്ണൂ​രിൽ വിദ്യാഭ്യാസ ഓഫീസുകളിൽ വി​ജി​ല​ൻ​സ് പരിശോധന

ക​ണ്ണൂ​ർ: ജില്ലയിൽ വിദ്യാഭ്യാസ ഓഫീസുകളിൽ വി​ജി​ല​ൻ​സ് പരിശോധന. എ​യ‍്ഡ​ഡ് സ്ഥാ​പ​ന​ങ്ങ​ളി​ലെ അ​ധ്യാ​പ​ക-​അ​ന​ധ്യാ​പ​ക ത​സ്തി​ക​ളി​ൽ നി​യ​മ​നം സ്ഥി​ര​​പ്പെ​ടു​ത്താ​ൻ പൊ​തു​വി​ദ്യാ​ഭ്യാസ ഡ​യ​റ​ക്‌​ട​റേ​റ്റി​ലേ​യും ജി​ല്ലാ ഓ​ഫീ​സു​ക​ളി​ലെ​യും അ​സി. വി​ദ്യാ​ഭ്യാ​സ ഓ​ഫീ​സു​ക​ളി​ലെ​യും ഉ​ദ്യോ​ഗ​സ്ഥ​ർ കൈ​ക്കൂ​ലി വാ​ങ്ങു​ന്നു​വെ​ന്ന് വി​ജി​ല​ൻ​സി​ന് ല​ഭി​ച്ച പ​രാ​തി​യു​ടെ അ​ടി​സ്ഥാ​ന​ത്തി​ലായിരുന്നു പരിശോധന.

ക​ണ്ണൂ​ർ വി​ജി​ല​ൻ​സ് ഡി​വൈ​എ​സ്പി​യു​ടെ നി​ർ​​ദ്ദേ​​ശ​പ്ര​കാ​രം ക​ണ്ണൂ​രി​ൽ അ​ഞ്ചി​ട​ങ്ങ​ളി​ലാ​ണ് റെ​യ്ഡ് ന​ട​ന്ന​ത്. ത​ളി​പ്പ​റ​മ്പ് വി​ദ്യാ​ഭ്യാ​സ ഓ​ഫീ​സി​ലെ റെ​യ്ഡി​ന് വി​ജി​ല​ൻ​സ് ഡി​വൈ​എ​സ്പി ത​ന്നെ നേ​തൃ​ത്വം ന​ൽ​കി.

Read Also : ഗ്യാ​സ് നി​റ​ച്ച സി​ലി​ണ്ട​റു​ക​ളു​മാ​യി വ​ന്ന ലോ​റി വൈ​ദ്യു​തലൈ​നി​ല്‍ ത​ട്ടി മ​റി​ഞ്ഞു : ര​ണ്ടു​പേ​ര്‍​ക്ക് പ​രി​ക്ക്

ക​ണ്ണൂ​ർ ഡി​ഡി​ഇ ഓ​ഫീ​സ്, ക​ണ്ണൂ​ർ, ത​ലേ​ശ​രി, ഇ​രി​ട്ടി എ​ന്നി​വി​ട​ങ്ങ​ളി​ലെ ഡി​ഇ​ഒ ഓ​ഫീ​സു​ക​ളി​ലും റെ​യ്ഡ് ന​ട​ന്നു. ത​ല​ശേ​രി​യി​ൽ വി​ജി​ല​ൻ​സ് സി​ഐ കെ.​വി. പ്ര​മോ​ദും ക​ണ്ണൂ​രി​ൽ വി​ജി​ല​ൻ​സ് സി​ഐ ഷാ​ജി പ​ട്ടേ​രി​യും ഇ​രി​ട്ടി​യി​ൽ വി​ജി​ല​ൻ​സ് സി​ഐ പി.​ആ​ർ. മ​നോ​ജും റെ​യ്ഡി​ന് നേ​തൃ​ത്വം ന​ൽ​കി. രാ​വി​ലെ 10.30 ന് ​തു​ട​ങ്ങി​യ റെ​യ്ഡ് വൈ​കു​ന്നേ​രം നാ​ലു വ​രെ തു​ട​ർ​ന്നു.

ഓ​പ്പ​റേ​ഷ​ൻ ജ്യോ​തി​യെ​ന്ന പേ​രി​ൽ സം​സ്ഥാ​ന​വ്യാ​പ​ക​മാ​യി വി​ദ്യാ​ഭ്യാ​സ ഓ​ഫീ​സു​ക​ളി​ൽ വി​ജി​ല​ൻ​സ് മി​ന്ന​ൽ പ​രി​ശോ​ധ​ന ന​ട​ത്തി. വി​വി​ധ ഗ്രാ​ന്‍റു​ക​ള്‍ അ​നു​വ​ദി​ക്കു​ന്നി​നും അ​ധ്യാ​പ​ക​രു​ടെ ഇ​ൻ​ക്രി​മെ​ന്‍റ് അ​നു​വ​ദി​ക്കു​ന്ന​തി​ലും കൈ​ക്കൂ​ലി​യും പാ​രി​തോ​ഷി​ക​വും വാ​ങ്ങു​ന്നുവെ​ന്നും ര​ഹ​സ്യ​വി​വ​രം വി​ജി​ല​ൻ​സി​ന് ല​ഭി​ച്ചി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ലാ​യി​രു​ന്നു ഓ​ഫീ​സു​ക​ളി​ൽ പ​രി​ശോ​ധ​ന.