പുതിയ അധ്യയന വർഷത്തിൽ കൊച്ചി മെട്രോയിൽ സൗജന്യ യാത്ര

കൊച്ചി: പുതിയ അധ്യയന വർഷം ആരംഭിക്കുന്ന ജൂൺ ഒന്നിന് അധ്യാപകർക്കും വിദ്യാർത്ഥികൾക്കും സന്തോഷ വാർത്തയുമായി കൊച്ചി മെട്രോ. അധ്യയനം ആഘോഷമാക്കാൻ അധ്യാപകർക്കും വിദ്യാർത്ഥികൾക്കും കൊച്ചി മെട്രോ സൗജന്യ യാത്ര പ്രഖ്യാപിച്ചു. ഒന്നാം ക്ലാസ് മുതൽ പന്ത്രണ്ടാം ക്ലാസ് വരെയുള്ള വിദ്യാർത്ഥികൾക്കാണ് സൗജന്യ യാത്രയ്ക്ക് അർഹത.

രാവിലെ 7 മണി മുതൽ 9 മണി വരെയും ഉച്ചയ്ക്ക് 12.30 മുതൽ 3.30 വരെയുമാണ് സൗജന്യ യാത്ര പ്രഖ്യാപിച്ചിരിക്കുന്നത്. സൗജന്യ യാത്രയ്ക്കായി അധ്യാപകരും വിദ്യാർത്ഥികളും ഐഡന്റിറ്റി കാർഡ് കൗണ്ടറിൽ ഹാജരാക്കിയാൽ വീട്ടിൽ നിന്ന് സ്കൂളിലേക്കും തിരിച്ചും യാത്ര ചെയ്യാൻ കഴിയും.

Also Read: ആദിലയ്‌ക്കും ഫാത്തിമയ്ക്കും ഒന്നിച്ചു ജീവിക്കാം: അനുമതി നൽകി ഹൈക്കോടതി