എക്കിൾ എടുക്കുമ്പോൾ ചെയ്യാൻ പാടില്ലാത്ത കാര്യങ്ങൾ എന്തൊക്കെ?

എല്ലാവരിലും ഉണ്ടാവുന്ന സ്വാഭാവിക പ്രവര്‍ത്തനമാണ് എക്കിള്‍. ചിലയിടങ്ങളിൽ ഇക്കിൾ എന്നും പറയും. മിക്ക ആളുകൾക്കും ഇത് കുറച്ച് മിനിറ്റുകൾ മാത്രം നീണ്ടുനിൽക്കും. മറ്റുള്ളവർക്ക് ഇതിന്റെ സമയപരിധി നീണ്ടുപോകാറുണ്ട്. തുടർച്ചയായ രണ്ടു ദിവസവും എക്കിൾ നിൽക്കുന്നില്ലെങ്കിൽ അത് വിദഗ്ധ ചികിത്സ തേടേണ്ട വിഷയമാണ്. ഇത്തരം സന്ദർഭങ്ങളിൽ എക്കിളിനെ നിസാരമായി കാണരുത്. അമിതമായി എക്കിള്‍ ഉണ്ടാവുന്നത് നിരീക്ഷിച്ചാല്‍ ന്യുമോണിയ പോലുള്ള രോഗസാധ്യതകളെ മുന്‍കൂട്ടി തിരിച്ചറിയാന്‍ സാധിക്കും.

ശ്വാസോച്ഛാസത്തിനിടെ ഡയഫ്രത്തിലുണ്ടാവുന്ന പ്രശ്‌നമാണ് എക്കിളായി രൂപപ്പെടുന്നത്. മദ്യത്തിന്റെ അമിതമായ ഉപയോഗം, എരിവ് കൂടുതലായുള്ള ഭക്ഷണം, വെപ്രാളത്തില്‍ ഭക്ഷണം കഴിക്കുന്നത്, മാനസിക സമ്മര്‍ദ്ദം തുടങ്ങിയവ എക്കിൾ ഉണ്ടാകാൻ കാരണമാകും.

എക്കിളിനെ ഇല്ലാതാക്കാൻ

1. വായില്‍ നിറയെ വെള്ളമെടുത്തിട്ട്‌ വിരല്‍കൊണ്ട്‌ മൂക്ക്‌ അടച്ചു പിടിച്ച്‌ ഒരു മിനിറ്റ്‌ ഇരിക്കുക.

2. ചുക്ക് അരച്ചു തേനില്‍ കഴിക്കുക.

3. തുമ്പപ്പൂവ് അരച്ചു മോരില്‍ സേവിക്കുക.

4. വായില്‍ പഞ്ചസാരയിട്ടശേഷം ഒന്നോ രണ്ടോ മിനിട്ടുകൊണ്ട് കുറേശ്ശയായി അലിയിച്ചിറക്കുക.

5. മാവിന്‍റെ ഇല കത്തിച്ച പുക ശ്വസിക്കുക.

6. ചൂടുവെള്ളത്തില്‍ ഇന്തുപ്പ് പൊടി ചേര്‍ത്തു കഴിക്കുക.

7. തണുത്ത വെള്ളം കുടിക്കുക

8. ഒരു നാരങ്ങ കടിക്കുക.

9. കുറച്ച് സമയത്തേക്ക് നിങ്ങളുടെ ശ്വാസം പിടിച്ച് വെക്കുക.

ചെയ്യാൻ പാടില്ലാത്ത കാര്യങ്ങൾ:

1. മദ്യപിക്കരുത്. ചൂടുള്ള പാനീയങ്ങൾ കുടിക്കരുത്.

2. ഗം ചവയ്ക്കുകയോ പുകവലിക്കുകയോ ചെയ്യരുത്.

3. എരിവുള്ള ഭക്ഷണം കഴിക്കരുത്.

4. വളരെ വേഗത്തിൽ ഭക്ഷണം കഴിക്കരുത്.