കോഴിക്കോട്: എസ്.എസ്.എൽ.സി പ്രാക്ടിക്കൽ പരീക്ഷയ്‌ക്കിടെ വിദ്യാർത്ഥിനികളോട് മോശമായി പെരുമാറിയ അദ്ധ്യാപകൻ അറസ്റ്റിൽ.
വിദ്യാർത്ഥിനികളുടെ പരാതിയിലാണ് അറസ്റ്റ്. അവിടനെല്ലൂർ സ്വദേശി പ്രമോദിനെയാണ് അറസ്റ്റ് ചെയ്തത്. എസ്.എസ്.എൽ.സി, ഐ.ടി പ്രാക്ടിക്കൽ പരീക്ഷയ്‌ക്കിടെയായിരുന്നു സംഭവം.
കമ്പ്യൂട്ടർ ഉപയോഗിക്കുന്നതിനിടെ മോശമായ രീതിയിൽ ഇയാള്‍ സ്പർശിച്ചെന്നാണ് പരാതി. ഈ മാസം അഞ്ചിനായിരുന്നു പരീക്ഷ.
മൂന്ന് വിദ്യാർത്ഥിനികളാണ് പരാതി നൽകിയിരിക്കുന്നത്. പരീക്ഷ എഴുതിയ മറ്റു വിദ്യാർത്ഥിനികൾക്കും സമാന ദുരനുഭവം ഉണ്ടായിട്ടുണ്ടെന്നാണ് വിവരം. കോടതിയിൽ ഹാജരാക്കിയ പ്രമോദിനെ റിമാൻഡ് ചെയ്തു.
Post Your Comments