ബീജിംഗ്: റൺവേയിൽ നിന്നും ടേക്ക് ഓഫ് ചെയ്യുന്നതിനിടയിൽ യാത്രാ വിമാനത്തിന് തീപിടിച്ചു. ചൈനയിൽ, വ്യാഴാഴ്ചയാണ് സംഭവം നടന്നത്. ദക്ഷിണ ചൈനയിലെ ചോങ്ങ്ക്വിങ്ങ് വിമാനത്താവളത്തിൽ നിന്നും പറന്നുയർന്ന ചൈന എയർലൈൻസ് വിമാനത്തിനാണ് തീപിടിച്ചത്.
സംഭവസമയത്ത് 113 യാത്രക്കാരും ഒൻപത് സ്റ്റാഫ് അംഗങ്ങളും വിമാനത്തിൽ ഉണ്ടായിരുന്നു. കൃത്യസമയത്ത് എത്തിയ രക്ഷാപ്രവർത്തകർ ഇവരെ വിമാനത്തിൽ നിന്നും ഒഴിപ്പിച്ച സുരക്ഷിത സ്ഥാനങ്ങളിലേക്ക് മാറ്റിയതായി ചൈനീസ് ഔദ്യോഗിക വാർത്താ ഏജൻസിയായ സിൻഹ്വ റിപ്പോർട്ട് ചെയ്യുന്നു. അപകടത്തിന്റെ ദൃശ്യങ്ങൾ സാമൂഹിക മാധ്യമങ്ങളിൽ പ്രചരിക്കുകയാണ്.
യാത്രക്കാരിൽ ചിലർക്ക് പരിക്കേറ്റിട്ടുണ്ടെന്നും ഇവരെ സമീപത്തുള്ള ആശുപത്രിയിൽ പ്രവേശിപ്പിച്ചിരിക്കുകയാണെന്നും സുരക്ഷാവിഭാഗം വ്യക്തമാക്കി. സംഭവത്തിൽ ആരെങ്കിലും മരിച്ചോ, ഗുരുതരാവസ്ഥയിലുള്ളവരുണ്ടോ എന്നിങ്ങനെയുള്ള കാര്യങ്ങളൊന്നും ഇതുവരെ അറിയാൻ സാധിച്ചിട്ടില്ല.
Post Your Comments