‘കടലുണ്ടായിട്ടും പുഴുവരിച്ച മീൻ തിന്ന് തലസ്ഥാനം’, നെയ്യാറ്റിൻകരയിൽ 800 കിലോ അഴുകിയ മത്സ്യം പിടിച്ചെടുത്തു

തിരുവനന്തപുരം: കടലുണ്ടായിട്ടും പുഴുവരിച്ച മീൻ തിന്നേണ്ട അവസ്ഥയിലാണ് തലസ്ഥാനത്തെ ജനങ്ങൾ. ഇന്ന് ഉച്ചയോടെ നെയ്യാറ്റിൻകരയിൽ മാത്രം പിടികൂടിയത് 800 കിലോ അഴുകിയ മത്സ്യമാണ്. നാട്ടുകാരുടെ പരാതിയെ തുടർന്നാണ് പുഴുവരിച്ച നിലയിൽ വിൽക്കാൻ കൊണ്ടുവന്ന മത്സ്യം പിടിച്ചെടുത്തത്.

Also Read:മാരക മയക്കുമരുന്നായ എംഡിഎംഎയുമായി യുവാക്കൾ പൊലീസ് പിടിയിൽ

പിടിച്ചെടുത്ത 800 കിലോ മത്സ്യവും കുഴിച്ചുമൂടുകയായിരുന്നു. നിരന്തരമായി ഈ പ്രദേശത്ത് ഇത്തരത്തിൽ മത്സ്യങ്ങൾ എത്തുന്നുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്. കുന്നത്തുകാല്‍ ഹെല്‍ത്ത് ഇന്‍സ്പെക്ടറുടെ ടീമാണ് മത്സ്യം പിടിച്ചെടുത്തത്.

അതേസമയം, സംസ്ഥാനത്ത് വിവിധയിടങ്ങളിൽ ആരോഗ്യവകുപ്പിന്റെ പരിശോധനകൾ നടന്നുകൊണ്ടിരിക്കുകയാണ്. സംസ്ഥാന വ്യാപകമായി 1930 പരിശോധനകളാണ് നടത്തിയത്. ലൈസന്‍സോ രജിസ്‌ട്രേഷനോ ഇല്ലാത്ത 181 കടകള്‍ക്കെതിരെ നടപടി സ്വീകരിച്ചിട്ടുണ്ട്.