39,200-ൽ തന്നെ, സ്വർണവില മാറ്റമില്ലാതെ തുടരുന്നു

തിരുവനന്തപുരം: സംസ്ഥാനത്ത് സ്വർണവില മാറ്റമില്ലാതെ തുടരുന്നു. പവന് 39,200 രൂപയും ഗ്രാമിന് 4,900 രൂപയുമാണ് ഇന്നത്തെ വില. ഇന്നലെ പവന് 200 രൂപ കുറഞ്ഞിരുന്നു.

ഓഹരി വിപണികളുടെ അസ്ഥിരതയും, റഷ്യ- യുക്രൈൻ യുദ്ധം തുടരുന്നതും സ്വർണത്തിന് അനുകൂലമാണ്. രാജ്യാന്തര വിപണിയിൽ ട്രോയ് ഔൺസിന് 1,937 ഡോളറിലാണ് വ്യാപാരം.

ഏപ്രിൽ നാല് മുതൽ ആറ് വരെയായിരുന്നു സ്വർണത്തിന് ഈ മാസം ഏറ്റവും കുറഞ്ഞ വില രേഖപ്പെടുത്തിയിരുന്നത്. പവന് 38,240 രൂപയായിരുന്നു അ‌ന്നത്തെ വില. ഈ മാസം 18, 19 തീയതികളിൽ പവന് രേഖപ്പെടുത്തിയ 39,880 രൂപയാണ് മാസത്തെ ഏറ്റവും ഉയർന്ന നിരക്ക്. അന്താരാഷ്ട്ര വിപണിയിൽ, ഡോളർ കരുത്താർജ്ജിച്ചതാണ് സ്വർണ വിലയ്ക്ക് തിരിച്ചടിയായത്.