കോഴിക്കോട്∙ നിർത്തിയിട്ടിരുന്ന ലോറിക്കു പിന്നിൽ കാറിടിച്ച് അമ്മയും മകളും മരിച്ചു. പേരാമ്പ്ര പയ്യോളി വടകര റോഡിൽ വാല്യക്കോട് ഇന്ന് രാവിലെ ഏഴരയോടെയാണ് അപകടം.
പേരാമ്പ്ര ടെലിഫോൺ എക്ചേഞ്ചിനു സമീപം തെരുവത്ത്പൊയിൽ കൃഷ്ണകൃപയിൽ സുരേഷ് ബാബുവിന്റെ ഭാര്യ ശ്രീജ (48), മകൾ അഞ്ജന (22) എന്നിവരാണ് മരിച്ചത്. ഗുരുതരമായി പരിക്കേറ്റ സുരേഷ് ബാബുവിനെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
ഇറച്ചിക്കോഴിയുമായി എത്തിയ ലോറി വഴിയരികിൽ നിർത്തിയിട്ടിരിക്കുകയായിരുന്നു. ബന്ധുവീട്ടിലേക്കു പോവുകയായിരുന്ന സുരേഷ് ബാബുവും കുടുംബവും സഞ്ചരിച്ച കാർ ഈ ലോറിക്കു പിന്നിൽ വന്ന് ഇടിക്കുകയായിരുന്നു. അപകടമുണ്ടായ ഉടനെ മൂവരെയും പേരാമ്പ്ര താലൂക്ക് ആശുപത്രിയിൽ എത്തിച്ചെങ്കിലും ശ്രീജയുടെയും മകളുടെയും ജീവൻ രക്ഷിക്കാനായില്ല. കാറിന്റെ മുന്‍വശം പൂര്‍ണ്ണമായും ലോറിക്കുള്ളിലേക്ക് ഇടിച്ചു കയറി.
Post Your Comments