കൊടുങ്ങല്ലൂര്‍: ശ്രീനാരായണപുരം പി. വെമ്പല്ലൂരില്‍ യുവാവിന് കുത്തേറ്റ സംഭവത്തില്‍ പിതാവും മകനും അറസ്റ്റില്‍. പോണത്ത് കിഷോര്‍(46), മകന്‍ യദുകൃഷ്ണന്‍(20) എന്നിവര്‍ ആണ് അറസ്റ്റിലായത്.
വ്യാഴാഴ്ച രാത്രിയാണ് കേസിനാസ്പദമായ സംഭവം. പടിഞ്ഞാറെ വെമ്പല്ലൂര്‍ മാമ്പി ബസാര്‍ സൂനാമി കോളനിയിലെ കുറുപ്പത്ത് മഞ്ജുദാസിന് കുത്തേറ്റ കേസിലാണ് അറസ്റ്റ്.
ഭാര്യയെ അസഭ്യം പറഞ്ഞത് ചോദ്യം ചെയ്തതിനാണ് മഞ്ജുദാസിനെ കാലിന് കുത്തി പരിക്കേൽപ്പിച്ചത്. മതിലകം എസ്.ഐ വി.വി. വിമലി‍ന്‍റെ നേതൃത്വത്തിലായിരുന്നു അന്വേഷണം. പ്രതികളെ കോടതിയിൽ ഹാജരാക്കി.
Post Your Comments