കുക്കാവ: മോട്ടോര്‍ സൈക്കിളില്‍ തോക്കുമായി എത്തിയ ഭീകരര്‍ 80 പേരെ കൊലപ്പെടുത്തി. നൈജീരിയയിലെ തെക്കന്‍ പീഠഭൂമിയിലെ ക്രിസ്ത്യന്‍ ഗ്രാമങ്ങളിലാണ് ഭീകരര്‍ വ്യാപക അക്രമം അഴിച്ചുവിട്ടത്. മോട്ടോര്‍ സൈക്കിളുകളില്‍ എത്തിയ ഭീകരരാണ് ഗ്രാമീണര്‍ക്ക് നേരെ നിറയൊഴിച്ചത്. ആക്രമണത്തില്‍, 80 പേരാണ് കൊല്ലപ്പെട്ടത്. 60-ലധികം പേരെ തട്ടിക്കൊണ്ടുപോകുകയും ചെയ്തു.
നൈജീരിയയിലെ കുക്കാവ, ക്യാരം, യെല്‍വ, ദദ്ദ, ഗ്യാംബവു, ദുംഗൂര്‍, വാങ്ക, ഷുവാക, ഗ്വാമ്മദാജി, ദാദിന്‍ കോവ തുടങ്ങിയ ഗ്രാമങ്ങളില്‍ 115 ലധികം വീടുകള്‍ തകര്‍ന്നതായും റിപ്പോര്‍ട്ടുകള്‍ പറയുന്നു.
നൈജീരിയയിലെ ഗണ്‍മാന്‍ സ്റ്റോം ക്രിസ്ത്യന്‍ ഗ്രാമങ്ങളില്‍ നിന്നുള്ള നൂറുകണക്കിന് ഗ്രാമവാസികള്‍ തങ്ങളുടെ കത്തിനശിച്ച വീടുകള്‍ ഉപേക്ഷിച്ച് ജീവനുംകൊണ്ട് പലായനം ചെയ്തതായും റിപ്പോര്‍ട്ടുണ്ട്.
Post Your Comments