സംസ്ഥാനത്ത് വിഷുവിന് റെക്കോര്‍ഡ് മദ്യ വില്‍പ്പന

കോഴിക്കോട്: സംസ്ഥാനത്ത് വിഷുവിന് റെക്കോര്‍ഡ് മദ്യ വില്‍പ്പന. വിഷുത്തലേന്ന് കണ്‍സ്യൂമര്‍ഫെഡിന്റെ വില്‍പന ശാലയിലൂടെ സംസ്ഥാനത്ത് വിറ്റഴിച്ചത് 14.01 കോടി രൂപയുടെ മദ്യമാണ്. 2020ലെ വിഷുക്കാലത്ത് നടന്ന 9.82 കോടിയുടെ വില്‍പ്പനയാണ് ഇതിന് മുമ്പ് നടന്ന ഉയര്‍ന്ന കച്ചവടം. ഈ റെക്കോര്‍ഡിനെ മറികടന്നുകൊണ്ടാണ് ഇത്തവണത്തെ വില്‍പ്പന.

Read Also : ബാര്‍ക് റേറ്റിംഗില്‍ മാതൃഭൂമി വളരെ പിന്നില്‍ : വാര്‍ത്താ ചാനലുകളിലെ അവതാരകര്‍ പ്രമുഖ ചാനലിനെ കൈവിടുന്നു

സംസ്ഥാനത്ത് ഏറ്റവും കൂടുതല്‍ കച്ചവടം നടന്നത് കൊയിലാണ്ടിയിലെ മദ്യ വില്‍പ്പന ശാലയിലാണ്. 80.3 ലക്ഷത്തിന്റെ വിദേശ മദ്യമാണ് ഇവിടെ നിന്നും വിറ്റഴിച്ചത്. രണ്ടാം സ്ഥാനത്ത് (കോഴിക്കോട് -78. 84 ലക്ഷം), മൂന്നാം സ്ഥാനത്ത് (കൊടുങ്ങല്ലൂര്‍ 74.61 ലക്ഷം). നാലാം സ്ഥാനത്ത് (കുന്ദംകുളം 68.65 ലക്ഷം), എന്നിങ്ങനെയാണ് കണക്കുകള്‍.

കഴിഞ്ഞ ക്രിസ്മസിനും റെക്കോര്‍ഡ് വില്‍പ്പന ബെവ്കോ കൈവരിച്ചിരുന്നു. ക്രിസ്മസ് ദിനത്തില്‍ കേരളത്തില്‍ 73 കോടി രൂപയുടെ മദ്യമാണ് വിറ്റഴിച്ചത്. ബെവ്കോയ്ക്ക് പുറമെ കണ്‍സ്യൂമര്‍ഫെഡ് ഔട്ട്ലൈറ്റുകള്‍ വഴിയുമുണ്ടായിരുന്നു വില്‍പ്പന. ബെവ്കോ ഔട്ട്ലെറ്റ് വഴി 65 കോടി രൂപയുടെ മദ്യവും കണ്‍സ്യൂമര്‍ ഫെഡ് ഔട്ട്ലെറ്റ് വഴി എട്ട്കോടി രൂപയുടെ മദ്യവുമാണ് വിറ്റഴിച്ചത്.