തിരുവനന്തപുരം: കെ.എസ്.ആർ.ടി.സി. ബസ് ഡ്രൈവർക്ക് ബൈക്ക് യാത്രികന്‍റെ മർദ്ദനം. കാട്ടാക്കട ഡിപ്പോയിലെ ഡ്രൈവർ ബിജു കുമാറിനാണ് മർദനമേറ്റത്. ഡ്രൈവറെ മർദിച്ച കട്ടക്കോട് അജി ഭവനിൽ അജിയെ നെയ്യാർ ഡാം പോലീസ് കസ്റ്റഡിയിലെടുത്തു.
വാഴിച്ചല്‍ കാഞ്ഞിരമൂഡ് പാമ്പരം കാവില്‍ ഉച്ചതിരിഞ്ഞ് മൂന്നരയോടെ ആയിരുന്നു സംഭവം. തിരുവനന്തപുരത്ത് നിന്നും കാട്ടാക്കട നെയ്യാർഡാം കൂട്ടപ്പുവിലേക്ക് പോകുന്ന കാട്ടാക്കട ഡിപ്പോയിലെ ബസിലാണ് ആക്രമണം നടന്നത്. ബസിനു കുറുകെ ബൈക്ക് നിര്‍ത്തുകയും തുടര്‍ന്ന് ഡ്രൈവറുടെ വശത്തെ വാതില്‍ വലിച്ചു തുറക്കുകയും ഉള്ളില്‍ കയറി ബിജുവിനെ മര്‍ദ്ദിക്കുകയുമായിരുന്നു. ബിജുവിനെതിരേ വധഭീഷണി മുഴക്കിയതോടെ യാത്രക്കാർ ബഹളം വയ്ക്കുകയും പോലീസിൽ അ‌റിയിക്കുകയും ചെയ്തു.
ഡ്രൈവര്‍ ആനപറ ആശുപത്രിയില്‍ ചികിത്സ തേടി. യാതൊരു പ്രകോപനവും ഇല്ലാതെയാണ് ഡ്രൈവറെ മര്‍ദ്ദിച്ചതെന്ന് കണ്ടക്ടര്‍ പ്രസാദ് പറഞ്ഞു. നെയ്യാര്‍ ഡാം പോലീസ് ഇരുവരുടെയും മൊഴി രേഖപ്പെടുത്തി.
Post Your Comments