വിദ്യാർത്ഥികളുടെ കൺസഷൻ വർദ്ധനവ് തീരുമാനമായില്ല : ബസ്, ഓട്ടോ, ടാക്‌സി നിരക്ക് വർദ്ധനവ് മെയ് ഒന്നുമുതൽ

തിരുവനന്തപുരം: പുതിയ ഓട്ടോ, ടാക്‌സി, ബസ് നിരക്ക് മെയ് ഒന്നുമുതല്‍ പ്രാബല്യത്തില്‍ വരുമെന്ന് ഗതാഗത മന്ത്രി ആന്റണി രാജു. കോവിഡ് കാലത്തെ നിരക്ക് വർദ്ധന പിന്‍വലിച്ചതായും മന്ത്രി വ്യക്തമാക്കി.

വിദ്യാര്‍ഥികളുടെ കണ്‍സഷന്‍ നിരക്ക് വർദ്ധിപ്പിക്കുന്നതിനെക്കുറിച്ച് തീരുമാനമായിട്ടില്ല. കണ്‍സഷന്‍ പരിശോധിക്കുന്നതിനുള്ള സമിതിയെ പിന്നീട് നിയോഗിക്കുമെന്നും അദ്ദേഹം പറഞ്ഞു.

മിനിമം ബസ് ചാര്‍ജ് 8ല്‍ നിന്ന് 10 രൂപയും , പിന്നീടുള്ള ഓരോ കിലോമീറ്ററിനും ഒരു രൂപ വീതവും വർദ്ധിപ്പിച്ചിട്ടുണ്ട് . ഓട്ടോ മിനിമം ചാര്‍ജ് 30 രൂപയാണ്. രണ്ട് കിലോമീറ്ററിനാണ് 30 രൂപ. പിന്നീടുള്ള കിലോമീറ്ററിന് 15 രൂപയാണ് നിരക്ക്.

ടാക്‌സി മിനിമം ചാര്‍ജ് 200 രൂപയാക്കിയാണ് വർദ്ധിപ്പിച്ചത് . അഞ്ച് കിലോ മീറ്ററിനാണ് ഈ നിരക്ക്. നേരത്തെ 175 രൂപയായിരുന്നു നിരക്ക്. കിലോമീറ്റര്‍ നിരക്ക് 17 രൂപയില്‍ നിന്നും 20 രൂപയാക്കി ഉയര്‍ത്തി. 1500 സി.സിക്ക് മുകളിലുള്ള കാറിന്റെ നിരക്ക് 200 രൂപയില്‍ നിന്നും 225 രൂപയാക്കിയും വർദ്ധിപ്പിച്ചു.