ഒറ്റക്ക് ഒരു മത്സരം ജയിപ്പിക്കാനുള്ള മിടുക്ക് അവനിലുണ്ട്: സൂപ്പർ സ്പിന്നറെ പ്രശംസിച്ച് സഞ്ജു സാംസൺ

മുംബൈ: സഹതാരം യൂസ്‌വേന്ദ്ര ചാഹലിനെ പ്രശംസിച്ച് രാജസ്ഥാൻ റോയൽസ് നായകൻ സഞ്ജു സാംസൺ. ചാഹലിനെ വിശ്വസിച്ച് പന്തേൽപ്പിക്കാമെന്നും ഒറ്റക്ക് ഒരു മത്സരം ജയിപ്പിക്കാനുള്ള മിടുക്ക് അവനിലുണ്ടെന്നും സഞ്ജു പറഞ്ഞു. ലഖ്‌നൗ സൂപ്പര്‍ ജയന്‍റ്സിനെതിരായ മത്സരത്തിൽ നാല് മുൻ നിര വിക്കറ്റുകളാണ് ചാഹൽ വീഴ്ത്തിയത്.

‘ഇന്ത്യയുടെ നിലവിലെ ഏറ്റവും മികച്ച സ്പിന്നറാണ് ചാഹൽ. 1 -20 ഓവറിൽ ഏതിലും വിശ്വസിച്ച് പന്തേൽപ്പിക്കാം. ഒറ്റക്ക് ഒരു മത്സരം ജയിപ്പിക്കാനുള്ള മിടുക്ക് അവനിലുണ്ട്. അവൻ എറിയുന്ന 4 ഓവറുകളും നിർണായകമാണ്’.

Read Also:- ഐപിഎല്ലില്‍ സണ്‍റൈസേഴ്സ് ഹൈദരാബാദിന് രണ്ടാം ജയം

‘ആദ്യത്തെ 3 ഓവറുകൾ കണ്ടപ്പോൾ എനിക്ക് ബോധ്യമായി, ഇവന് നന്നായി വൈഡ് യോർക്കറുകൾ എറിയാൻ സാധിക്കുമെന്ന്. അതിന് ശേഷം സയ്യിദ് മുഷ്താഖ് അലിയിൽ അവന്റെ പ്രകടനം കണ്ട റോയൽസ് അവനെ എടുത്തു. ഒരു പ്രത്യേക പ്രതിഭയാണ്, ഇന്ത്യയ്ക്ക് വേണ്ടി കളിക്കുന്ന അവനെ ഉടൻ കാണാം’ കുൽദീപ് എറിഞ്ഞ അവസാന ഓവറിനെക്കുറിച്ച് സഞ്ജു പറഞ്ഞു.