കൊല്ലം: കടം കൊടുത്ത പണം തിരികെ ചോദിച്ചതിന് യുവാവിന്‍റെ കൈ തല്ലിയൊടിച്ചതായി പരാതി. സംഭവത്തെ തുടർന്ന്, അക്രമികളായ മൂവര്‍ സംഘത്തെ കൊല്ലം കടയ്ക്കല്‍ പൊലീസ് അറസ്റ്റ് ചെയ്തു. കോട്ടപ്പുറം സ്വദേശി ജയ്സൺ സുഹൃത്തുക്കളായ ഷിബു, ഷാരോൺ എന്നിവരാണ് അറസ്റ്റിലായത്.
കടയ്ക്കല്‍ ചരിപ്പറമ്പ് സ്വദേശി അനീഷിനെയാണ് സംഘം ആക്രമിച്ചത്. ജയ്സണ് രണ്ട് മാസം മുമ്പ് അനീഷ് മൂവായിരം രൂപ കടം കൊടുത്തിരുന്നു. ഈ പണം തിരികെ ചോദിക്കാന്‍ എത്തിയപ്പോഴാണ് ജയ്സണും സുഹൃത്തുക്കളായ ഷിബുവും, ഷാരോണും ചേര്‍ന്ന് അനീഷിന്‍റെ കൈ തല്ലിയൊടിച്ചത്.
Read Also : ബ്രേക്ക്ഫാസ്റ്റിന് തയ്യാറാക്കാം യീസ്റ്റ് ചേർക്കാത്ത പാലപ്പം
കമ്പും കല്ലും കമ്പിവടിയും ഉപയോഗിച്ചായിരുന്നു പ്രതികൾ ആക്രമണം നടത്തിയത്. തുടർന്ന്, പരുക്കേറ്റ അനീഷിനെ നാട്ടുകാരാണ് ആശുപത്രിയില്‍ എത്തിച്ചത്. അറസ്റ്റിലായ പ്രതികളെ കോടതി റിമാന്‍ഡ് ചെയ്തു.
Post Your Comments