മുംബൈ: സൂപ്പര്‍ താരം നഥാന്‍ കോള്‍ട്ടര്‍ നൈലിന്റെ പകരക്കാരനെ കണ്ടെത്താൻ രാജസ്ഥാന്‍ റോയല്‍സ്. സീസണിന്റെ തുടക്ക സമയമായതിനാല്‍ നൈലിന് പകരക്കാരനെ ടീമിലെത്തിക്കാനുള്ള നീക്കങ്ങള്‍ രാജസ്ഥാന്‍ ആരംഭിച്ചതായാണ് സൂചന. നഥാന്‍ കോള്‍ട്ടര്‍ നൈലിന് പകരക്കാരനായി രാജസ്ഥാന്‍ റോയല്‍സിലെത്താന്‍ ഏറ്റവുമധികം സാധ്യതയുള്ള താരം ശ്രീലങ്കയുടെ ലിമിറ്റഡ് ഓവര്‍ നായകന്‍ ദാസന്‍ ഷനകയാണ്.
വെടിക്കെട്ട് ബാറ്റിംഗിന് കെല്‍പ്പുള്ള താരം മീഡിയം പേസ് ബൗളറുമാണ്. ലങ്കന്‍ ഇതിഹാസങ്ങളായ സംഗക്കാരയും, ലസിത് മലിംഗയും രാജസ്ഥാന്റെ പരിശീലക സംഘത്തിലുള്ളത് ഷനകയുടെ സാധ്യത വര്‍ധിപ്പിക്കുന്നു. ഇന്ത്യക്കെതിരായ ടി20 പരമ്പരയില്‍ താരം ഉജ്ജ്വല പ്രകടനം കാഴ്ചവെച്ചിരുന്നു.
Read Also:- ഉറക്കം വരാന്‍ സഹായിക്കുന്ന ചില എളുപ്പവഴികള്‍!
കൂടാതെ, ന്യൂസിലന്‍ഡില്‍ നിന്നുള്ള ഓള്‍ റൗണ്ടര്‍ കോളിന്‍ ഡി ഗ്രാന്‍ഡ് ഹോം, ബിഗ് ബാഷ് ലീഗില്‍ മിന്നും പ്രകടനങ്ങളിലൂടെ ശ്രദ്ധിക്കപ്പെട്ട ഹെയ്ഡന്‍ കെര്‍, ടി20 ക്രിക്കറ്റില്‍ മികച്ച പരിചയസമ്പത്തുള്ള ദക്ഷിണാഫ്രിക്കന്‍ ഓള്‍ റൗണ്ടർ ഡേവിഡ് വീസെ, ഓസീസ് താരം ബെന്‍ കട്ടിംഗ് എന്നിവരും പകരക്കാരായി രാജസ്ഥാനിലെത്താൻ സാധ്യതയുണ്ട്.
Post Your Comments