കേരളം കണ്ട ഏറ്റവും നല്ല മുഖ്യമന്ത്രിയാണ് പിണറായി, ഇടയ്‌ക്കിടെ പിണറായിയുമായി ബന്ധപ്പെടാറുണ്ട്: കെ വി തോമസ്

കണ്ണൂർ: മുഖ്യമന്ത്രി പിണറായി വിജയനെ പ്രശംസിച്ച് കെ വി തോമസ് രംഗത്ത്. കേരളം കണ്ട ഏറ്റവും നല്ല മുഖ്യമന്ത്രി ആണ് പിണറായി വിജയൻ എന്ന് കെ വി തോമസ് പറഞ്ഞു. ഇടയ്ക്കിടയ്ക്ക് അദ്ദേഹവുമായി ബന്ധപ്പെടാറുണ്ടെന്നും, പറഞ്ഞ വിഷയങ്ങളിൽ പരിഹാരം കാണാൻ വേണ്ടി അദ്ദേഹത്തെ ചെന്ന് കാണാറുണ്ടെന്നും അദ്ദേഹം പറഞ്ഞു.

Also Read:ഫിഫ ലോകകപ്പ് സമയത്ത് ഖത്തറിലെ താമസക്കാർക്ക് യാത്രാ വിലക്കുണ്ടാകില്ല: അറിയിപ്പുമായി ഖത്തർ

‘സിപിഎം പാര്‍ട്ടി കോണ്‍ഗ്രസുമായി ബന്ധപ്പെട്ട നാളത്തെ സെമിനാറില്‍ രാഹുല്‍ ഗാന്ധിയുടെ പ്രസംഗഭാഗം വച്ചാണ് തുടങ്ങുക. കെ റെയില്‍ വിഷയത്തില്‍ കോണ്‍ഗ്രസ് നിലപാട് വികസന വിരുദ്ധന്മാരുടേത് പോലെയാണ്. നെടുമ്പാശേരി വിമാനത്താവള കാര്യത്തില്‍ എല്ലാ പാര്‍ട്ടികളും യോജിച്ചാണ് പോയത്. കെ റെയില്‍ വികസന കാര്യത്തിലും അതേ യോജിപ്പ് ഇരുപാർട്ടികൾക്കും വേണം’, കെ വി വ്യക്തമാക്കി.

സിപിഎമ്മിന്റെ പാർട്ടി കോൺഗ്രസിൽ പങ്കെടുക്കാൻ പ്രത്യേക അതിഥിയായിട്ടാണ് കെ വി തോമസ് എത്തിയത്. മറ്റ് കോൺഗ്രസ് നേതാക്കളെല്ലാം സിപിഎമ്മിന്റെ പരിപാടികൾ ബഹിഷ്കരിക്കുമ്പോൾ കെ വി തോമസ് മാത്രം പങ്കെടുക്കാൻ തീരുമാനിച്ചതിനെ വലിയ വിമർശനങ്ങളോടെയാണ് കോൺഗ്രസ് നേതൃത്വം ചൂണ്ടിക്കാട്ടിയത്. കെ റെയിൽ ൽ പദ്ധതി പിൻവലിക്കാത്തതിനെ തുടർന്ന് പ്രതിപക്ഷനേതാവ് വിഡി സതീശനടക്കം പാർട്ടി കോൺഗ്രസ് ബഹിഷ്കരിച്ചിരുന്നു.