കിളിമാനൂര്‍: കടമ്പാട്ടുകോണം മത്സ്യമാര്‍ക്കറ്റിലെ കവര്‍ച്ചയെ തുടര്‍ന്ന് നടത്തിയ അന്വേഷണത്തില്‍, കുപ്രസിദ്ധ മോഷ്ടാവ് മാരക ലഹരിമരുന്നായ എം.ഡി.എം.എയുമായി പിടിയിലായി. പാരിപ്പള്ളി ഉളിയനാട് കുളത്തൂര്‍കോണം നന്ദുഭവനില്‍ നന്ദു ബി. നായര്‍ ആണ് (28) പിടിയിലായത്. പള്ളിക്കല്‍ പൊലീസാണ് ഇയാളെ പിടികൂടിയത്.
30-നു പുലര്‍ച്ച നാലിന് മത്സ്യ മാര്‍ക്കറ്റില്‍ ഓഫിസ് മുറിയിലുണ്ടായിരുന്ന 3500 രൂപ മോഷ്ടിച്ച കേസിലാണ് അന്വേഷണം നടത്തിയത്. സി.സി ടി.വി ദൃശ്യങ്ങളില്‍ ഓവര്‍കോട്ടും ഹെല്‍മറ്റും ധരിച്ച ചെറുപ്പക്കാരനെ സംശയാസ്പദമായി കണ്ടു. പിന്നീട്, ഇയാളെ ചടയമംഗലത്തു നിന്ന് പിടികൂടുകയായിരുന്നു. ഇയാളില്‍ നിന്ന് 7.5 ഗ്രാം എം.ഡി.എം.എ കണ്ടെടുത്തു.
Read Also : ലിഫ്റ്റിൽ കുടുങ്ങി കുവൈത്തിൽ മലയാളി യുവാവിന് ദാരുണാന്ത്യം
പള്ളിക്കല്‍ സി.ഐ പി. ശ്രീജിത്തിന്റെ നേതൃത്വത്തില്‍ എസ്.ഐ സാഹില്‍ എം, സി.പി.ഒമാരായ അജീസ്, ഷമീര്‍, ബിനു, വിനീഷ്, സിയാസ്, എസ്.സി.പി.ഒമാരായ രാജീവ്, മനോജ്‌ എന്നിവരടങ്ങിയ സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാന്‍ഡ് ചെയ്തു.
Post Your Comments