ലിഫ്റ്റിൽ കുടുങ്ങി കുവൈത്തിൽ മലയാളി യുവാവിന് ദാരുണാന്ത്യം

കുവൈത്ത് സിറ്റി: കുവൈത്തിൽ ലിഫ്റ്റിൽ കുടുങ്ങി മലയാളി യുവാവ് അന്തരിച്ചു. മലപ്പുറം ചമ്രവട്ടം സ്വദേശി ഷാഫിയാണ് മരിച്ചത്. കഴിഞ്ഞ ദിവസം രാത്രി 8 മണിയോടെ മംഗഫിൽ ആണ് സംഭവം നടന്നത്. ബക്കാല ജീവനക്കാരനായിരുന്ന ഷാഫി ഹോം ഡെലിവറിയ്ക്കായാണ് സംഭവ സ്ഥലത്തെത്തിയത്.

Read Also: ഉള്ള പണമെല്ലാം പലരും പറ്റിച്ചെടുത്തു: ധനസഹായം തീര്‍ന്നതോടെ ഹോംനഴ്സായി ജോലി എടുത്ത് ജിഷയുടെ അമ്മ രാജേശ്വരി

ഇദ്ദേഹം കയറിയ ലിഫ്റ്റിന്റെ പ്രവർത്തനം നിലച്ചതിനെ തുടർന്നാണു അപകടം ഉണ്ടായത്. അഗ്നി രക്ഷാസേന എത്തിയാണ് ഷാഫിയുടെ മൃതദേഹം പുറത്തെടുത്തത്. ഫോറൻസിക് പരിശോധനക്കായി മൃതദേഹം മോർച്ചറിയിലേക്ക് മാറ്റിയിട്ടുണ്ട്.

Read Also: കോണ്‍ഗ്രസ്സ് തുടങ്ങിവച്ച ആഗോളവല്‍ക്കരണ നയങ്ങളാണ് ഇപ്പോൾ തീവ്രമായി ബിജെപി നടപ്പിലാക്കുന്നത്: മുഖ്യമന്ത്രി