തിരുവനന്തപുരം: കെ റെയിൽ പദ്ധതിയ്ക്കൊപ്പം കേരളത്തിലെ ജനങ്ങളുണ്ടെന്ന പ്രഖ്യാപനവുമായി മുഖ്യമന്ത്രി പിണറായി വിജയൻ. സില്‍വര്‍ ലൈന്‍ അടക്കമുള്ള വികസന പദ്ധതികള്‍ വേണമെന്ന് ആഗ്രഹിക്കുന്നവരാണ് കേരളത്തിലെ മഹാഭൂരിഭാഗം പേരുമെന്ന് മുഖ്യമന്ത്രി പറഞ്ഞു.
‘സര്‍ക്കാര്‍ നാടിന്‍റ വികസനകാര്യങ്ങള്‍ നിര്‍വഹിക്കാന്‍ ബാധ്യതപ്പെട്ടവരാണ്. ചിലര്‍ എതിര്‍ത്തതുകൊണ്ട് മാറിനില്‍ക്കരുത്. ജനങ്ങള്‍ക്കും നാടിന്‍റ നാളേക്കും ആവശ്യമായ പദ്ധതികള്‍ നടപ്പാക്കും. അതില്‍നിന്ന് ഒളിച്ചോടുന്നത് സര്‍ക്കാറിന്റെ ധര്‍മമല്ല’, പിണറായി വിജയൻ വ്യക്തമാക്കി.
‘കേരളം ചെറിയ സ്ഥലമാണ്. ആളുകള്‍ കൂടുതലും ഭൂമി കുറവുമാണ്. അതുവെച്ച്‌ മറ്റ് നാടുകളെപോലെ നേട്ടങ്ങളുണ്ടാക്കണം. ഉള്ള സ്ഥലങ്ങളെ പരമാവധി പ്രയോജനപ്പെടുത്തണം. ഇപ്പോള്‍ നടക്കേണ്ട കാര്യങ്ങള്‍ നടന്നില്ലെങ്കില്‍ പിന്നീട് വലിയവില നല്‍കേണ്ടിവരും’, അദ്ദേഹം കൂട്ടിച്ചേർത്തു.
Post Your Comments