റമദാൻ: പൊതു സ്ഥാപനങ്ങളുടെ പ്രവർത്തന സമയക്രമം പ്രഖ്യാപിച്ച് ബഹ്‌റൈൻ

മനാമ: റമദാനിൽ പൊതു സ്ഥാപനങ്ങളുടെ പ്രവർത്തന സമയക്രമം പ്രഖ്യാപിച്ച് ബഹ്റൈൻ. റമദാനിൽ മന്ത്രാലയങ്ങൾ, സർക്കാർ സ്ഥാപനങ്ങൾ മുതലായവ രാവിലെ 8 മണി മുതൽ ഉച്ചയ്ക്ക് 2 മണി വരെ പ്രവർത്തിക്കുന്നതാണെന്ന് അധികൃതർ അറിയിച്ചു.

Read Also: അഹിന്ദുവായ ചെർപേഴ്സൺ ക്ഷേത്രമതിലിനകത്ത് പ്രവേശിച്ചു, ഉത്സവം നിർത്തിവച്ച് ശുദ്ധി കർമ്മങ്ങൾ ചെയ്തു: പ്രദീപ് മേനോൻ

അതേസമയം, ബഹ്‌റൈനിൽ കോവിഡ് നിയന്ത്രണങ്ങൾ ഏർപ്പെടുത്തുന്നതിനായി ഉപയോഗിച്ചിരുന്ന ട്രാഫിക് ലൈറ്റ് അലേർട്ട് ലെവൽ സംവിധാനം താത്കാലികമായി നിർത്തലാക്കി. ബഹ്റൈൻ ആരോഗ്യ മന്ത്രാലയമാണ് ഇക്കാര്യം അറിയിച്ചത്.

അതേസമയം, 2022 മാർച്ച് 28 മുതൽ രാജ്യത്തെ ഇൻഡോർ, ഔട്ട്‌ഡോർ ഇടങ്ങളിൽ മാസ്‌കുകളുടെ ഉപയോഗം നിർബന്ധമല്ലെന്ന് നേരത്തെ മന്ത്രാലയം അറിയിച്ചിരുന്നു. രാജ്യത്ത് കോവിഡ് രോഗികളുടെ എണ്ണം കുറഞ്ഞ സാഹചര്യത്തിലാണ് പുതിയ തീരുമാനം.

എന്നാൽ, രോഗബാധയേൽക്കുന്നതിന് കൂടുതൽ സാധ്യതയുള്ള പ്രായമായവർ, വിട്ടുമാറാത്ത അസുഖങ്ങളുള്ളവർ തുടങ്ങിയവരുമായി ഇടപഴകുന്ന അവസരത്തിൽ മാസ്‌കുകൾ ഉപയോഗിക്കണമെന്നും മന്ത്രാലയം നിർദ്ദേശിച്ചു.

Read Also: ടിപ്പുവിനെ മഹത്വവത്കരിക്കേണ്ട: ബാബർ, തുഗ്ലക്ക് എന്നിവരെ കുറിച്ച് പഠിക്കേണ്ട, പാഠഭാഗങ്ങള്‍ വെട്ടിക്കുറച്ച് കര്‍ണാടക