മുംബൈ: ഐ-ലീഗിൽ മുഹമ്മദന്‍സിനെ സമനിലയില്‍ തളച്ച് ഗോകുലം കേരളാ എഫ്‌സി. ഇരു ടീമുകളും ഓരോ ഗോളടിച്ച് സമനിലയില്‍ പിരിഞ്ഞു. മത്സരത്തിന്റെ ആദ്യ പകുതിയിലെ 27-ാം മിനിറ്റില്‍ റൂഡോവിക്ക് നേടിയ ഗോളിന് മുന്നിലെത്തിയ മുഹമ്മദന്‍സിനെ രണ്ടാം പകുതിയില്‍ ലൂക്കാ മാജ്‌സെന്റെ ഗോളില്‍ ഗോകുലം സമനിലയില്‍ കുരുക്കുകയായിരുന്നു.
ആദ്യ പകുതിയില്‍ മാര്‍ക്കസ് ജോസഫ് നല്‍കിയ തകര്‍പ്പന്‍ ത്രൂബോളില്‍ നിന്നുമായിരുന്നു റൂഡോവിക്കിന്റെ തകർപ്പൻ ഗോള്‍. എന്നാല്‍, രണ്ടാം പകുതിയില്‍ 78-ാം മിനിറ്റില്‍ മുഹമ്മദന്‍സിന്റെ ബോക്‌സിലൂടെ പന്തുമായി കയറിയ മലയാളി താരം ജിതിനെ പ്രതിരോധ താരം അക്തര്‍ വീഴ്ത്തിയതിനെ തുടര്‍ന്ന് കിട്ടിയ പെനാല്‍റ്റി സ്‌ളോവേനിയന്‍ താരം മുഹമ്മദന്‍സിന്റെ വലയിലെത്തിച്ചു.
Read Also:- ദിവസവും എത്ര മണിക്കൂർ ഉറങ്ങണം?
മത്സരം സമനിലയില്‍ പിരിഞ്ഞതോടെ ലീഗ് പോയിന്റ് പട്ടികയിലെ സ്ഥാനത്തിന് മാറ്റമില്ല. ഏഴു മത്സരം കളിച്ച മുഹമ്മദന്‍സ് 16 പോയിന്റുമായി ഒന്നാമതും ഒരു മത്സരം കുറച്ചുകളിച്ച ഗോകുലം 14 പോയിന്റുമായി രണ്ടാം സ്ഥാനത്തും തുടരുന്നു.
Post Your Comments