പാലാ: പ്രായപൂര്‍ത്തിയാകാത്ത ആണ്‍കുട്ടിയെ ശല്യപ്പെടുത്തുകയും മോശമായി പെരുമാറാന്‍ ശ്രമിക്കുകയും ചെയ്ത മധ്യവയസ്‌കന്‍ പിടിയില്‍. ലോട്ടറി കച്ചവടക്കാരനായ തൊടുപുഴ സ്വദേശി പഞ്ചവടിപ്പാലം പാറയില്‍ വീട്ടില്‍ ശ്രീനിവാസനാണ് (57) പൊലീസ് പിടിയിലായത്.
ആണ്ടൂര്‍ കവല ഇല്ലിക്കല്‍ താഴെ റോഡില്‍ കുരുവിനാല്‍കുന്നേല്‍ പള്ളിക്ക് സമീപ‌മുള്ള റോഡില്‍, സ്‌കൂള്‍ വിട്ട് നടന്നുപോയ കുട്ടിയെ ആണ് ഇയാൾ ശല്യപ്പെടുത്തിയത്. ഇയാള്‍ക്കെതിരെ കുട്ടിയുടെ പിതാവ് കിടങ്ങൂര്‍ സ്റ്റേഷനിൽ നല്‍കിയ പരാതിയുടെ അടിസ്ഥാനത്തിലാണ് അറസ്റ്റ്.
Read Also : വെറും വയറ്റില്‍ ഈ ഭക്ഷണങ്ങൾ കഴിക്കാന്‍ പാടില്ല!
എസ്.എച്ച്.ഒ കെ.ആര്‍. ബിജുവിന്റെ നേതൃത്വത്തില്‍ എസ്.ഐ കുര്യന്‍ മാത്യു, എ.എസ്.ഐ മഹേഷ് കൃഷ്ണന്‍, എ.എസ്.ഐ ജയചന്ദ്രന്‍ എസ്.സി.പി.ഒ കെ.ജി. ഷീജ എന്നിവര്‍ ചേര്‍ന്നാണ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാന്‍ഡ് ചെയ്തു.
Post Your Comments