മുംബൈ: വിരാട് കോഹ്ലിയേക്കാള്‍ മികച്ച നായകനാവാന്‍ രോഹിത് ശർമ്മയ്ക്ക് കഴിയുമെന്ന് മുന്‍ ഇന്ത്യൻ ഓപ്പണര്‍ വസീം ജാഫര്‍. ശ്രീലങ്കയ്‌ക്കെതിരായ ഹോം പരമ്പരയില്‍ 2-0ന്‍റെ ആധികാരിക ജയവുമായി വെള്ളക്കുപ്പായത്തില്‍ ക്യാപ്റ്റന്‍ രോഹിത് തിളങ്ങി. അതേസമയം, ടീം ഇന്ത്യക്ക് ടെസ്റ്റ് ക്രിക്കറ്റില്‍ ഏറ്റവും കൂടുതല്‍ ജയം സമ്മാനിച്ച ക്യാപ്റ്റനാണ് വിരാട് കോഹ്ലി.
‘രോഹിത്തിന് വിരാടിനേക്കാള്‍ മികച്ച ടെസ്റ്റ് നായകനാവാന്‍ കഴിയും. എത്ര ടെസ്റ്റുകളില്‍ രോഹിത് ക്യാപ്റ്റനാകും എന്ന് നമുക്കറിയില്ല.എന്നാല്‍, തന്ത്രപരമായി മികച്ച ക്യാപ്റ്റന്‍മാരില്‍ ഒരാളാണ് രോഹിത്. രോഹിത്തിന് കീഴില്‍ ടീം വൈറ്റ് വാഷ് ചെയ്‌തത് നമ്മള്‍ കണ്ടതാണ്. കോഹ്ലിയില്‍ നിന്ന് ഇന്ത്യന്‍ ക്യാപ്റ്റന്‍ സ്ഥാനം കൃത്യമായ കൈകളിലാണ് എത്തിയിരിക്കുന്നത്’ വസീം ജാഫര്‍ പറഞ്ഞു.
Read Also:- തന്റെ കഴിവ് പരാമാവധി ഉപയോഗിക്കുന്ന താരമാണ് ഫാഫ്: ദിനേശ് കാര്‍ത്തിക്
ദക്ഷിണാഫ്രിക്കന്‍ പര്യടനത്തിലെ തോല്‍വിക്ക് പിന്നാലെ വിരാട് കോഹ്ലി ക്യാപ്റ്റന്‍ സ്ഥാനം രാജിവച്ചതോടെയാണ് നായകസ്ഥാനം രോഹിത് ശര്‍മ്മയെ തേടിയെത്തിയത്. ശ്രീലങ്കയെ വൈറ്റ് വാഷ് ചെയ്‌ത ഇന്ത്യ ലോക ടെസ്റ്റ് ചാമ്പ്യന്‍ഷിപ്പ് പോയിന്‍റ് പട്ടികയില്‍ നാലാം സ്ഥാനത്തേക്ക് ഉയർന്നു. ജൂലൈയില്‍ ഇംഗ്ലണ്ടിനെതിരെയാണ് ഇന്ത്യയുടെ അടുത്ത ടെസ്റ്റ് പരമ്പര.
Post Your Comments