അബുദാബി: വാഹനങ്ങളുടെ മലിനീകരണം നേരിട്ട് നിരീക്ഷിക്കാൻ വേണ്ടി റോഡുകളിൽ ഓവർഹെഡ് റിമോട്ട് ഡിറ്റക്ടറുകൾ സ്ഥാപിക്കാനൊരുങ്ങി അബുദാബി. അന്തരീക്ഷ മലിനീകരണം വർധിക്കുന്ന സാഹചര്യത്തിലാണ് നടപടി. മേഖലയിൽ ആദ്യമായാണ് ഇത്തരമൊരു സാങ്കേതിക വിദ്യ ഉപയോഗിക്കുന്നതെന്ന് പരിസ്ഥിതി ഏജൻസി അബുദാബിയുടെ വായു ഗുണനിലവാര, ശബ്ദ, കാലാവസ്ഥാ വ്യതിയാന വിഭാഗം മാനേജർ റുഖിയ മുഹമ്മദ് അറിയിച്ചു.
കോവിഡ് വൈറസ് വ്യാപനത്തെ തുടർന്ന് ലോക്ഡൗൺ പ്രഖ്യാപിച്ച സമയത്ത് നിരത്തിലിറങ്ങുന്ന വാഹനങ്ങളുടെ എണ്ണം കുറഞ്ഞത് മൂലം മലിനീകരണ തോത് വളരെ കുറവായിരുന്നു. നിയന്ത്രണം പിൻവലിച്ചതോടെ വാഹനങ്ങളുടെ എണ്ണവും മലിനീകരണവും വർധിച്ചു. ഇതോടെയാണ് അധികൃതർ പുതിയ നടപടികളിലേക്ക് കടന്നത്. അതേസമയം, മലിനീകരണം കൂടിയ വാഹനങ്ങൾ നിരത്തിൽനിന്നു പിൻവലിക്കുന്നത് ഉൾപ്പെടെയുള്ള നടപടികളും ഉണ്ടാകുമെന്നാണ് റിപ്പോർട്ടുകൾ.
Post Your Comments