മലപ്പുറം: സ്കൂട്ടറിൽ കണ്ടെയ്നർ ലോറിയിടിച്ച് യുവതി മരിച്ചു. തിരൂര്‍ പുല്ലൂണി സ്വദേശി കിഴക്കേ പീടിയേക്കല്‍ ഷാജഹാന്റെ ഭാര്യ ഷീബയാണ് അപകടത്തില്‍പെട്ട് ദാരുണമായി മരിച്ചത്.
മലപ്പുറം പരപ്പനങ്ങാടി ചെട്ടിപ്പടി കുപ്പിവളവിൽ ഇന്നലെ വൈകീട്ട് നാലരയോടെയായിരുന്നു സംഭവം. ചെട്ടിപ്പടിയിൽ നിന്ന് കോഴിക്കോട് റോഡില്‍ കുപ്പിവളവില്‍ എറണാകുളത്തേക്ക് പോവുകയായിരുന്ന കണ്ടെയ്‌നര്‍ ലോറിയാണ് സ്കൂട്ടറിൽ ഇടിച്ചത്. ലോറിയുടെ ടയറിനടിയില്‍പ്പെട്ട ഷീബ തല്‍ക്ഷണം മരിക്കുകയായിരുന്നു.
പൊലീസ് സ്ഥലത്തെത്തി മേൽനടപടികൾ സ്വീകരിച്ച ശേഷം മൃതദേഹം പോസ്റ്റ്മോർട്ടത്തിനായി തിരൂരങ്ങാടി താലൂക്കാശുപത്രി മോര്‍ച്ചറിയിലേക്ക് മാറ്റി. മൃതദേഹം പോസ്റ്റുമോർട്ടത്തിന് ശേഷം ഇന്ന് ബന്ധുക്കൾക്ക് വിട്ടുനൽകും. സംഭവത്തിൽ, പരപ്പനങ്ങാടി പൊലീസ് കേസെടുത്തു.
Post Your Comments