മലപ്പുറം: ഹൈദരലി ശിഹാബ് തങ്ങളുടെ പകരക്കാരനായി മുസ്ലിം ലീഗ് മലപ്പുറം ജില്ലാ പ്രസിഡന്റ് സാദിഖലി ശിഹാബ് തങ്ങളെ സംസ്ഥാന പ്രസിഡന്റായി തെരഞ്ഞെടുക്കും. മുസ്ലിം ലീഗിന്റെ പ്രത്യേക ഉന്നതാധികാര സമിതി യോഗം ഇന്ന് ചേരും. ഹൈദരലി ശിഹാബ് തങ്ങളുടെ വിയോഗം തീര്‍ത്ത നിരാശക്കിടെയാണ് യോഗം ചേരുന്നത്. നേരത്തെ ഹൈദരലി ശിഹാബ് തങ്ങള്‍ അസുഖബാധിതനായി കിടന്ന സമയത്ത് സംസ്ഥാന പ്രസിഡന്റിന്റെ ചുമതല താല്‍കാലികമായി വഹിച്ചത് സാദിഖലി ശിഹാബ് തങ്ങള്‍ ആയിരുന്നു.
Read Also: വീട്ടിൽ കയറി യുവാവിനെ കുത്തിക്കൊലപ്പെടുത്തിയ കേസ് : രണ്ടുപേർ അറസ്റ്റിൽ
ഈ സാഹചര്യത്തില്‍ സാദിഖലി ശിഹാബ് തങ്ങളെ ഔദ്യോഗികമായി പ്രസിഡന്റായി തെരഞ്ഞെടുക്കുകയെന്ന പരിപാടി മാത്രമായിരിക്കും ഉണ്ടാവുക എന്നാണ് ലീഗ് നേതൃത്വം നല്‍കുന്ന സൂചന. അതേസമയം, പാണക്കാട് ഹൈദരലി ശിഹാബ് തങ്ങളുടെ മൃതദേഹം തിങ്കളാഴ്ച പുലര്‍ച്ചേയാണ് കബറടക്കിയത്. കബറടക്കം പുലര്‍ച്ചെ രണ്ട് മണിയോടെ പാണക്കാട് ജുമാ മസ്ജിദില്‍ നടന്നു.
Post Your Comments