പൂക്കോട്ടുംപാടം: വാഹനങ്ങളിലും വ്യാപാര സ്ഥാപനങ്ങളിലും റോഡിലും വെളുത്ത പൊടി വിതറിയതായി പരാതി. രാത്രിയിൽ പൂക്കോട്ടുംപാടം അങ്ങാടിയിലെ വാഹനങ്ങളിലും വ്യാപാര സ്ഥാപനങ്ങളിലും ആണ് പൊടി വിതറിയത്.
ഡി.വൈ.എഫ്.ഐയുടെ നേതൃത്വത്തിൽ സർവിസ് നടത്തുന്ന ആംബുലൻസിന് മുകളിലും പൊടി വിതറിയിരുന്നു. തുടർന്ന് ഡി.വൈ.എഫ്.ഐ പൊലീസിൽ പരാതി നൽകി. പൂക്കോട്ടുംപാടം അങ്ങാടിയിൽ രാത്രി പാർക്ക് ചെയ്ത കാറുകളിലും ഇരുചക്ര വാഹനങ്ങളിലും വ്യാപാര സ്ഥാപനങ്ങളുടെ ചുമരുകളിലും പൊടി വിതറിയിട്ടുണ്ട്. രാവിലെ അങ്ങാടിയിലെത്തിയവർ പൊടി കാണുകയും വാഹന ഉടമകളെ അറിയിക്കുകയുമായിരുന്നു.
Read Also : പെരുവണ്ണാമൂഴി റിസർവോയറിൽ സോളാർ ബോട്ട് യാത്ര ആരംഭിച്ചു
ആബുലൻസിൽ ഉൾപ്പെടെ പൊടി വിതറിയ സംഭവത്തിലെ ദുരൂഹത പുറത്ത് കൊണ്ടുവരണമെന്നും കുറ്റക്കാർക്ക് എതിരെ നിയമ നടപടി സ്വീകരിക്കണമെന്നും വ്യാപാരികളും ഡ്രൈവർമാരും ആവശ്യപ്പെട്ടു. ഇത് സംബന്ധിച്ച് പരാതി നൽകിയതായും ഇവർ പറഞ്ഞു.
പൊലീസ് സി.സി.ടി.വി ദൃശ്യങ്ങൾ പരിശോധിച്ച് അന്വേഷണം ആരംഭിച്ചു.
Post Your Comments