യുക്രൈൻ: തോക്കേന്തിയ റഷ്യൻ സൈനികരെ വിറപ്പിച്ച് യുദ്ധമുഖത്ത് യുക്രൈൻ വനിത. ഞങ്ങളുടെ മണ്ണിൽ എന്തു കോപ്പിനാണ് നിങ്ങൾ തോക്കുകളുമായി വന്നിരിക്കുന്നത്?എന്ന് സൈനികരെ വിറപ്പിച്ചുകൊണ്ട് വനിത ചോദിച്ചു.
നോക്കൂ, നമ്മളുടെ ഈ സംഭാഷണം നമ്മളെ എവിടെയും എത്തിക്കില്ല. ഇതു കൂടുതൽ വഷളാക്കണ്ട, ദയവു ചെയ്ത് പോകൂ, എന്ന് പറഞ്ഞ സൈനികന് അൽപ്പം സൂര്യകാന്തി വിത്തുകൾ നൽകിക്കൊണ്ടായിരുന്നു യുവതി മറുപടി പറഞ്ഞത്. ‘നിങ്ങൾ അധിനിവേശക്കാരാണ്! നിങ്ങൾ ഫാസിസ്റ്റുകളാണ്! ഈ വിത്തുകൾ കൂടി എടുത്തു പോക്കറ്റിൽ ഇട്ടോളൂ, ഇവിടെ കിടന്നു ചാകുമ്പോൾ അതിൽ നിന്നും ഞങ്ങളുടെ സൂര്യകാന്തികൾ മുളച്ചു പൊന്തട്ടെ’, യുവതി പറഞ്ഞു.
ബിബിസി ന്യൂസ്‌ പുറത്തു വിട്ട യുവതിയുടെ സംഭാഷണങ്ങളും ദൃശ്യവും സോഷ്യൽ മീഡിയയിൽ തരംഗമായിക്കൊണ്ടിരിക്കുകയാണ്. യുദ്ധമുഖത്ത് ഇപ്പോഴും പതറാതെ പിടിച്ചു നിൽക്കുന്ന യുക്രൈന് വലിയ പ്രതീക്ഷയാണ് ജനങ്ങളിൽ നിന്ന് ലഭിക്കുന്ന ഈ പിന്തുണ. സൂര്യകാന്തിയാണ് യുക്രൈയിന്റെ ദേശീയ പുഷ്പം. യുദ്ധമുഖത്തു നിന്നും ഉയർന്നുകേട്ട ഏറ്റവും ശക്തിയുള്ള പ്രതികരണമായി ഈ വനിതയുടെ വാക്കുകൾ സാമൂഹ്യ മാധ്യമങ്ങളും, ലോക ജനതയും ഏറ്റെടുക്കുകയാണ്.
Post Your Comments