ആംബുലൻസ് ഡ്രൈവറെ വധിക്കാൻ ശ്രമം : യുവാവ് അറസ്റ്റിൽ

നെടുമങ്ങാട് : ആംബുലൻസ് ഡ്രൈവറെ തലക്കടിച്ച് കൊലപ്പെടുത്താൻ ശ്രമിച്ച സംഭവത്തിൽ യുവാവ് പിടിയിൽ. കൊല്ലം ആയിരനല്ലൂർ മണലിൽ കിണറ്റുമുക്ക് സതീഷ് ഭവനിൽ നിന്നും മഞ്ച പുന്നവേലിക്കോണം കിച്ചു ഭവനിൽ താമസിക്കുന്ന സതീഷിനെയാണ്(30) പൊലീസ് അറസ്റ്റ് ചെയ്തത്. നെടുമങ്ങാട് പൊലീസാണ് പ്രതിയെ അറസ്റ്റ് ചെയ്തത്.

ജില്ല ആശുപത്രിയിക്ക് മുന്നിലെ ആംബുലൻസ് ഡ്രൈവറായ ആനാട് സ്വദേശി രാജീവിനെ സതീഷ് ഇരുമ്പ് കഷണം കൊണ്ട് തലക്കടിക്കുകയായിരുന്നു. നെടുമങ്ങാട് പൊലീസ് ഇൻസ്പെക്ടർ സന്തോഷ് കുമാർ, എസ്.ഐ സുനിൽ ഗോപി എന്നിവർ ചേർന്നാണ് പ്രതിയെ അറസ്റ്റ് ചെയ്തത്.

Read Also: അമിത വണ്ണം കുറയ്ക്കാൻ ദിവസവും വെറും വയറ്റില്‍ സെലറി ജ്യൂസ് കുടിക്കൂ

സീനിയോറിറ്റി അനുസരിച്ച് ഓട്ടം എടുക്കാൻ ഒരു വിഭാഗം തയാറാവാത്തതാണ് പ്രശ്നങ്ങൾക്ക് കാരണം. സാമൂഹിക വിരുദ്ധ പ്രവൃത്തികളിൽ ഏർപ്പെടുന്ന ആംബുലൻസ് ജീവനക്കാർക്കെതിരെ ശക്തമായ നടപടി സ്വീകരിക്കുമെന്ന് നെടുമങ്ങാട് പൊലീസ് അറിയിച്ചു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.