ആറ്റിങ്ങൽ: മൂന്ന് ദിവസം മുമ്പ് വീട്ടിൽ നിന്ന് ജോലിക്ക് പോയ യുവാവിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കടയ്ക്കാവൂർ കോണത്ത് വീട്ടിൽ പരേതനായ സ്വാമിനാഥന്‍റെയും ഇന്ദിരയുടെയും മകൻ മണികണ്ഠ(33)നെയാണ് മരിച്ച നിലയിൽ കണ്ടെത്തിയത്.
കൊച്ചുപാലത്തിന് സമീപം ആണ് മൃതദേഹം കണ്ടത്. മൂന്ന് ദിവസം മുമ്പ് വീട്ടിൽനിന്ന് ജോലിക്ക് പോയ മണികണ്ഠൻ തിരികെ എത്തിയിരുന്നില്ല. ഇതേത്തുടർന്ന് ബന്ധുക്കൾ പൊലീസിന് പരാതി നൽകിയിരുന്നു.
Read Also : രണ്ടായിരം രൂപ ലോൺ എടുത്തതിന് സിബിൽ സ്കോറിടിഞ്ഞു : ഓൺലൈൻ വായ്പാ തട്ടിപ്പിൽ കുടുങ്ങി സണ്ണി ലിയോൺ
മണികണ്ഠന്‍റെ ഇരുചക്ര വാഹനം സുഹൃത്തിന്‍റെ വീടിന് സമീപത്തു നിന്ന് കണ്ടെത്തിയിട്ടുണ്ട്. തുടർന്ന് ഈ സുഹൃത്തിനെ പൊലീസ് കസ്റ്റഡിയിലെടുത്തു. മരണം കൊലപാതകമാണെന്ന് പൊലീസിൽ നൽകിയ പരാതിയിൽ മണികണ്ഠന്‍റെ ബന്ധുക്കൾ ആരോപിക്കുന്നു. മണികണ്ഠൻ അവിവാഹിതനാണ്.
Post Your Comments