കട്ടപ്പന: കാഞ്ചിയാറിൽ പേപ്പട്ടിയുടെ ആക്രമണത്തിൽ വിദ്യാർത്ഥിക്ക് പരിക്ക്. കക്കാട്ടുകട കൊച്ചുകളിയിക്കല്‍ ആദിത്യന് ഓമനക്കുട്ടനെയാണ് (18) നായ ആക്രമിച്ചത്. ചൊവ്വാഴ്ച വൈകിട്ടാണ് സംഭവം.
വൈകിട്ട് 6.30 ഓടെ സ്‌കൂളില്‍ പോയി തിരികെ വീട്ടിലേയ്ക്ക് മടങ്ങും വഴിയാണ് ആദിത്യന് കടിയേറ്റത്. കാലിന് പരിക്കേറ്റ വിദ്യാര്‍ത്ഥിയെ ഇരുപതേക്കര്‍ താലൂക്ക് ആശുപത്രിയില്‍ എത്തിച്ച്‌ ചികിത്സ നല്‍കി.
Read Also : ബിജെപി പ്രവർത്തകൻ കുത്തേറ്റു മരിച്ചു: കൊലപാതകം ക്ഷേത്രോത്സവവുമായി ബന്ധപ്പെട്ട തർക്കത്തിനിടെ
ചൊവ്വാഴ്ച ഉച്ചയ്ക്ക് ശേഷമാണ് ഭീതി വിതച്ച്‌ പേവിഷ ബാധയേറ്റ നായ കക്കാട്ടുകടയിലെത്തിയത്. തുടര്‍ന്ന് സമൂഹ മാധ്യമങ്ങള്‍ വഴി ജനങ്ങള്‍ക്ക് മുന്നറിയിപ്പ് നല്‍കുകയും ചെയ്തു. നായയെ പിടികൂടാന്‍ നാട്ടുകാര്‍ ശ്രമം നടത്തിയെങ്കിലും വിജയിച്ചില്ല. പകല്‍ സമയങ്ങളില്‍ പോലും കക്കാട്ടുകടയില്‍ തെരുവ് നായശല്യം രൂക്ഷമാണെന്ന് നാട്ടുകാര്‍ പറയുന്നു. തെരുവ് നായ്ക്കളുടെ ആക്രമണം ഭയന്ന് വിദ്യാര്‍ത്ഥികള്‍ സ്‌കൂളില്‍ പോകാന്‍ പോലും ഭയക്കുന്നതായും രക്ഷിതാക്കള്‍ പറഞ്ഞു.
Post Your Comments