ദോഹ: ഇഹ്തിറാസ് ആപ്പിൽ കൂടുതൽ സേവനങ്ങൾ ഉൾപ്പെടുത്തി ഖത്തർ. ആരോഗ്യ മന്ത്രാലയമാണ് ഇക്കാര്യം അറിയിച്ചത്. കോവിഡ് രോഗമുക്തി നേടിയവർക്കായി ഒരു പ്രത്യേക സ്റ്റാറ്റസ് പുതിയതായി ആപ്പിൽ ഉൾപ്പെടുത്തിയിട്ടുണ്ട്. പച്ച നിറത്തിൽ ഉൾപ്പെടുത്തിയിട്ടുള്ള ‘Recovered’ എന്ന ഈ പുതിയ സ്റ്റാറ്റസ് രോഗമുക്തി നേടിയവർക്ക് വാക്‌സിനേഷൻ നടപടികൾ പൂർത്തിയാക്കിയിട്ടുള്ളവർക്ക് ലഭിക്കുന്ന അതേ ഇളവുകൾ നേടാൻ സഹായിക്കും.
രണ്ടാം ഡോസ് കോവിഡ് വാക്‌സിൻ കുത്തിവെപ്പെടുത്ത് 9 മാസം പൂർത്തിയാക്കിയവർക്ക്, അവർ ബൂസ്റ്റർ ഡോസ് കുത്തിവെപ്പ് സ്വീകരിച്ചിട്ടില്ലെങ്കിൽ, ഇഹ്തിറാസ് ആപ്പിലെ ഗോൾഡ് ഫ്രെയിം സ്റ്റാറ്റസ് നഷ്ടമാകുമെന്നും അധികൃതർ വ്യക്തമാക്കുന്നു. ഗോൾഡ് ഫ്രെയിം വാക്‌സിനേഷൻ തെളിയിക്കുന്നതിനുള്ള സ്റ്റാറ്റസ് ആണെന്നും, രോഗമുക്തി നേടിയത് തെളിയിക്കുന്നതിനല്ലെന്നും മന്ത്രാലയം അറിയിച്ചു.
Post Your Comments