ന്യൂഡൽഹി: പുതിയൊരു ഫീച്ചറുമായി ഉപയോക്താക്കളെ ഞെട്ടിക്കാനൊരുങ്ങുകയാണ് പ്രമുഖ മെസഞ്ചർ കമ്പനിയായ വാട്സ്ആപ്പ്. ഇനി മുതൽ നിങ്ങൾക്ക് നിങ്ങളുടെ വാട്സ്ആപ്പ് പ്രൊഫൈലിനു കവർ ഫോട്ടോ സെന്റ് ചെയ്യാൻ സാധിക്കും.
നിലവിൽ, പ്രൊഫൈൽ പിക്ചർ സെറ്റ് ചെയ്യാനുള്ള സൗകര്യം മാത്രമാണ് വാട്സ്ആപ്പ് ഉപയോക്താക്കൾക്കുള്ളത്. വാട്സ്ആപ്പ് ബീറ്റാ ഇൻഫോയുടെ പുതിയൊരു റിപ്പോർട്ട് പ്രകാരം, പ്രൊഫൈലിന് കവർ ഫോട്ടോ സെറ്റ് ചെയ്യാനുള്ള പരീക്ഷണങ്ങൾ അണിയറയിൽ നടക്കുകയാണ്.
ആദ്യ ഘട്ടത്തിൽ, വാട്സ്ആപ്പ് ബിസിനസ് ഉപയോക്താക്കൾക്ക് മാത്രമാണ് ഈ സൗകര്യം ലഭ്യമാവുക. ബിസിനസ് സെറ്റിംഗ്സ് താഴെ ക്യാമറ ബട്ടൺ ഉപയോഗിച്ച് നിങ്ങളെടുത്ത ചിത്രങ്ങളും കവർ ഫോട്ടോവായി സെറ്റ് ചെയ്യാൻ സൗകര്യമൊരുക്കും. നിങ്ങളുടെ പ്രൊഫൈലിൽ കയറി നോക്കുന്നയാൾക്ക് ഈ ഫോട്ടോ കാണാൻ സാധിക്കും. ലോകത്ത് രണ്ട് ബില്യനിലധികം ഉപയോക്താക്കൾ വാട്സാപ്പിനുണ്ടെന്നാണ് കണക്കുകൾ വ്യക്തമാക്കുന്നത്.
Post Your Comments