വർഷങ്ങളായി പ​ള്ളി​യു​ടെ പേ​രി​ലുള്ള ഭൂമിയിൽ ക​ട​ക്ക​രു​തെ​ന്ന് വി​ല​ക്ക്

കു​ണ്ട​റ: 100 വർഷമായി പ​ള്ളി​യു​ടെ പേ​രി​ൽ പ്ര​മാ​ണമു​ള്ള ഏഴ് സെ​ന്‍റ് ഭൂ​മി​യി​ൽ വി​ല​ക്കു​മാ​യി പള്ളിക്ക് സ്ഥ​ലം നൽകിയ ഉ​ട​മ​യു​ടെ പി​ൻ​മു​റ​ക്കാ​ർ. കി​ഴ​ക്കേ​ക​ല്ല​ട പ​ഞ്ചാ​യ​ത്തി​ൽ ഓ​ണ​മ്പ​ലം ഏ​ഴാം വാ​ർ​ഡി​ലാ​ണ് ഈ ​ത​ർ​ക്ക സ്ഥ​ലം സ്ഥിതി ചെയ്യുന്നത്.

1922-ൽ​ കോ​ട്ട​പ്പു​റം പ​ള്ളി വി​ശ്വാ​സി​ക​ൾ​ക്ക് ​എഴു​തി കി​ട്ടി​യ​താ​ണ് ഈ ​ഭൂ​മി. 1968-ൽ 7 ​സെ​ന്‍റ് ഉ​ൾ​പ്പെ​ട്ട കു​ടും​ബ ഭൂ​മി ഓ​ഹ​രി വ​ച്ച​പ്പോ​ഴും പ​ള്ളി​ക്കു ന​ൽ​കി​യ ഭൂ​മി ഓ​ഹ​രി വ​സ്തു​വി​നോ​ട് ഒ​പ്പം ഉ​ൾ​പ്പെ​ടു​ത്തി​ ആ​ധാ​രം ച​മ​ച്ച​തായി ​ആ​രോ​പ​ണം ഉയരുന്നുണ്ട്.

കോ​ട്ട​പ്പു​റം പ​ള്ളി വി​ശ്വാ​സി​ക​ളു​ടെ​തെ​ന്ന് ഒ​രു നൂ​റ്റാ​ണ്ടു​കാ​ല​മാ​യി പ്ര​മാ​ണ​ത്തി​ലു​ള്ള 7 സെ​ന്‍റി​ൽ ഒ​രു താ​ൽ​ക്കാ​ലി​ക കു​രി​ശ​ടി സ്ഥാ​പി​ക്കാ​ൻ ഇ​ട​വ​ക വി​കാ​രി ഫാ. ​ജോ​സ് ലാ​സ​റി​ന്‍റെ നേ​തൃ​ത്വ​ത്തി​ൽ ഇ​ട​വ​കാം​ഗ​ങ്ങ​ൾ എ​ത്തി​യ​പ്പോ​ഴാ​ണ് തടസവാദം ഉന്നയിച്ച് പൊലീസുമായി എ​തി​ർ​ക​ക്ഷി​ക​ൾ എത്തിയത്.

Read Also : ജോലിക്കാരിയുടെ പ്രായപൂർത്തിയാകാത്ത മകളെ ലൈംഗികമായി ദുരുപയോഗം ചെയ്യാൻ ശ്രമിച്ചു: റോയിക്കെതിരേ കൂടുതൽ പരാതികൾ

എ​തി​ർ​ചേ​രി​യി​ൽ സ്ഥ​ല​മു​ട​മ​ക​ൾ എ​ന്ന് അ​വ​കാ​ശ​പ്പെ​ടു​ന്ന ഊ​രൂ​ട്ടു​ക​ട​വ് കു​ടും​ബാം​ഗ​ങ്ങ​ളാ​ണ്. റ​വ​ന്യൂ അ​ധി​കൃ​ത​രും കി​ഴ​ക്കേ​ക​ല്ല​ട സി​ഐ സ​തീ​ഷ് കു​മാ​റും സ്ഥ​ല​ത്തെ​ത്തി സ​മാ​ധാ​നാ​ന്ത​രീ​ക്ഷം നി​ല​നി​ർ​ത്താ​ൻ ശ്ര​മി​ക്കു​ക​യാ​ണ്. ഇ​രു​കൂ​ട്ട​ർ​ക്കും സ്റ്റോ​പ്പ് മെ​മോ ന​ൽ​കി​. കി​ഴ​ക്കേ​ക​ല്ല​ട ഗ്രാ​മ​പ​ഞ്ചാ​യ​ത്ത് അം​ഗം രാ​ജു ലോ​റ​ൻ​സ് മ​റ്റ് ജ​ന​പ്ര​തി​നി​ധി​ക​ളും സ്ഥ​ല​ത്തെ​ത്തി ഇ​രു​കൂ​ട്ട​രു​മാ​യി സ​മാ​ധാ​ന ച​ർ​ച്ച ന​ട​ത്തി. യ​ഥാ​ർ​ഥ രേ​ഖ​ക​ളും തെ​ളി​വു​ക​ളും കി​ട്ടും​വ​രെ ഇ​രു​കൂ​ട്ട​രും സം​യ​മ​നം പാ​ലി​ക്ക​ണ​മെ​ന്ന് പൊലീ​സ് നി​ർ​ദേ​ശം ന​ൽ​കി.