ദുബായ്: ചൊവ്വാഴ്ച്ച മുതൽ അറ്റസ്റ്റേഷൻ സേവനങ്ങൾ പുതിയ കേന്ദ്രത്തിൽ നിന്ന് ലഭ്യമാക്കുമെന്ന് ദുബായിലെ ഇന്ത്യൻ കോൺസുലേറ്റ്. പ്രവാസികൾക്ക് കൂടുതൽ സൗകര്യപ്രദമായ രീതിയിൽ സേവനങ്ങൾ നൽകുന്നതിന് വേണ്ടിയാണ് കൂടുതൽ വിശാലമായ കാത്തിരിപ്പ് മുറികളോട് കൂടിയ പുതിയ കേന്ദ്രത്തിലേക്ക് ഈ സേവനങ്ങൾ മാറ്റുന്നത്. ഇന്ത്യൻ കോൺസുലേറ്റിൽ നിന്നുള്ള അറ്റസ്റ്റേഷൻ സേവനങ്ങൾ നൽകുന്നത് SG IVS Global Commercial Information Services എന്ന സ്ഥാപനമാണ്.
ദുബായിലെ ഔദ് മേത്തയിൽ ബിസിനസ് അട്രിയം ബിൽഡിംഗിലെ 201, 202 നമ്പർ മുറികളിൽ നിന്നായാണ് സ്ഥാപനം ഇപ്പോൾ സേവനം ലഭ്യമാക്കുന്നത്. ഈ കെട്ടിടത്തിലെ ഒന്നാമത്തെ നിലയിലാണ് പുതിയ കേന്ദ്രം ആരംഭിക്കുന്നത്. തിങ്കൾ മുതൽ വെള്ളി വരെ രാവിലെ 8 മുതൽ ഉച്ചയ്ക്ക് 1 മണി വരെയും ശനിയാഴ്ച്ച രാവിലെ 8 മുതൽ രാവിലെ 11 വരെയുമാണ് സേവനങ്ങൾ നൽകുക.
Post Your Comments