കണ്ണൂര്‍: നിയന്ത്രണം വിട്ട കാറിടിച്ച് തമിഴ് സ്ത്രീക്ക് ഗുരുതര പരിക്ക്. . തെക്കിബസാര്‍ എം.എല്‍.എ ഓഫീസിനു സമീപമാണ് അപകടമുണ്ടായത്.
കണ്ണൂര്‍ ഭാഗത്തു നിന്നും വരികയായിരുന്ന കാര്‍ കക്കാട് റോഡില്‍ നിന്നും കയറിയ ബൈക്ക് യാത്രികന് ഇടിക്കാതിരിക്കാന്‍ വെട്ടിച്ചപ്പോള്‍ നിയന്ത്രണം വിട്ടു റോഡരികിലെ മതിലില്‍ ഇടിച്ചു നില്‍ക്കുകയുമായിരുന്നു. നിയന്ത്രണംവിട്ട കാറിടിച്ച് റോഡരികില്‍ നില്‍ക്കുകയായിരുന്ന തമിഴ്നാട് സ്വദേശിനിയ്ക്ക് ഗുരുതരമായി പരുക്കേൽക്കുകയായിരുന്നു.
ഇവരെ തൊഴിലാളികളും നാട്ടുകാരും ചേര്‍ന്ന് കണ്ണൂരിലെ ആശുപത്രിയിലും നില ഗുരുതരമായതിനെ തുടര്‍ന്ന് പരിയാരത്തെ മെഡിക്കല്‍ കോളേജാശുപത്രിയിലേക്കും മാറ്റി. കാര്‍ യാത്രക്കാരായ മൂന്ന് പേര്‍ക്കും അപകടത്തില്‍ നിസാര പരുക്കേറ്റിട്ടുണ്ട്. ഇവരെയും ആശുപത്രിയില്‍ പ്രവേശിപ്പിച്ചു.
Post Your Comments