കിളിമാനൂര്‍: സൈക്കിള്‍ ബ്രേക്ക് നഷ്ടപ്പെട്ട് പോസ്റ്റിലിടിച്ച്‌ പരിക്കേറ്റ് ചികിത്സയിലായിരുന്ന വിദ്യാര്‍ഥി മരിച്ചു. കിളിമാനൂര്‍ മലയ്ക്കല്‍ കണ്ണങ്കര വീട്ടില്‍ രാജു-ബീനാകുമാരി ദമ്ബതിമാരുടെ മകന്‍ ശബരി രാജ് (17) ആണ് മരിച്ചത്.
കഴിഞ്ഞ 8ന് ആണ് സംഭവം. ശബരിരാജ് സഞ്ചരിച്ചിരുന്ന സൈക്കിളിന്‍റെ ബ്രേക്ക് നഷ്ടപ്പെട്ട് നിയന്ത്രണം വിട്ട് വൈദ്യുതി തൂണില്‍ ഇടിക്കുകയായിരുന്നു. അപകടത്തില്‍ ഗുരുതര പരിക്കേറ്റ ശബരി രാജ് മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്നു. ഞായറാഴ്ച രാവിലെയാണ് മരിച്ചത്.
ഇളമാട് ഐ.ടി.ഐ വിദ്യാര്‍ഥി ആയിരുന്നു ശബരി രാജ്. മൃതദേഹം പോസ്റ്റ്മോര്‍ട്ടത്തിന് ശേഷം ആയൂര്‍ തേവന്നൂരിലെ കുടുംബ വീട്ടില്‍ സംസ്കരിച്ചു. സഹോദരന്‍: ഗോവിന്ദ് രാജ്.
Post Your Comments