അബുദാബി: ജോഹന്നാസ് ബർഗിലേക്കുള്ള വിമാന സർവ്വീസുകൾ മാർച്ചിൽ പുനരാരംഭിക്കുമെന്ന് ഇത്തിഹാദ് എയർവേയ്‌സ്. അബുദാബിയിൽ നിന്ന് മാർച്ച് 3 ന് വിമാന സർവ്വീസുകൾ പുനരാരംഭിക്കുമെന്ന് അധികൃതർ അറിയിച്ചു. അബുദാബിയിൽ നിന്നും ജോഹന്നാസ്ബർഗിലേക്കും തിരിച്ചുമുള്ള സർവ്വീസുകളാണ് ആരംഭിക്കുന്നത്.
യാത്രയ്ക്ക് 48 മണിക്കൂറിനകമുള്ള പിസിആർ നെഗറ്റീവ് ഫലവും യാത്രയ്ക്ക് 6 മണിക്കൂറിനകം വിമാനത്താവളത്തിൽ നിന്ന് എടുത്ത റാപ്പിഡ് പിസിആർ നെഗറ്റീവ് ഫലവും നിർബന്ധമാണെന്നും ഇത്തിഹാദ് അറിയിച്ചു.
അബുദാബിയിൽ എത്തിയാലും പിസിആർ പരിശോധന നടത്തും. അതേസമയം കെനിയ, ടാൻസാനിയ, ഇത്യോപ്യ, നൈജീരിയ, കോംഗൊ, ദക്ഷിണാഫ്രിക്ക, ബോട്‌സ്വാന, എസ്വാതിനി, ലെസൊതൊ, മൊസാംബിക് നമീബിയ, സിംബാബ് വേ എന്നീ രാജ്യങ്ങളിലേക്ക് വിമാന സർവീസുകൾ ആരംഭിക്കാൻ നേരത്തെ അധികൃതർ അനുമതി നൽകിയിരുന്നു
Read Also: കേരള പൊലീസിന്റെ ശമ്പള വിതരണം ഇനി സ്വകാര്യ ബാങ്ക് വഴി: ഉദ്യോഗസ്ഥർക്കിടയിൽ പ്രതിഷേധം ശക്തം
Post Your Comments