പന്ത്രണ്ട് ആഫ്രിക്കൻ രാജ്യങ്ങളിൽ നിന്നുള്ള വിമാന സർവീസുകൾ പുനരാരംഭിക്കുന്നു: തീരുമാനവുമായി യുഎഇ

അബുദാബി: പന്ത്രണ്ട് ആഫ്രിക്കൻ രാജ്യങ്ങളിൽ നിന്നുള്ള വിമാന സർവ്വീസുകൾ പുനരാരംഭിച്ച് യുഎഇ. ജനുവരി 29 മുതൽ സർവ്വീസുകൾ പുനരാരംഭിക്കും. യു എ ഇ നാഷണൽ എമർജൻസി ക്രൈസിസ് ആൻഡ് ഡിസാസ്റ്റേഴ്‌സ് മാനേജ്മന്റ് അതോറിറ്റിയാണ് ഇക്കാാര്യം അറിയിച്ചത്. കെനിയ, എത്യോപ്യ, ടാൻസാനിയ, നൈജീരിയ. കോംഗോ, സൗത്ത് ആഫ്രിക്ക, ബോട്സ്വാന, എസ്വതിനി, ലെസോതോ, മൊസാമ്പിക്, നമീബിയ, സിംബാബ്വെ എന്നീ രാജ്യങ്ങളിലേക്കുള്ള സർവ്വീസുകളാണ് പുനരാരംഭിക്കുന്നത്.

Read Also: കോവിഡ് പ്രതിസന്ധി രൂക്ഷം, സര്‍ക്കാര്‍ ഇടപെടും, പ്രാദേശിക ഇടപെടല്‍ ശക്തിപ്പെടുത്തും: എം.വി. ഗോവിന്ദന്‍ മാസ്റ്റര്‍

ഉഗാണ്ട, ഘാന, റുവാണ്ട എന്നീ രാജ്യങ്ങളിൽ നിന്നെത്തുന്ന യാത്രികർക്ക് ബാധകമാക്കിയിട്ടുള്ള പ്രവേശന നിബന്ധനകളിൽ മാറ്റം വരുത്തിയതായും കോവിഡ് അറിയിച്ചിട്ടുണ്ട്. ഈ രാജ്യങ്ങളിൽ 48 മണിക്കൂറിനിടയിൽ നേടിയിട്ടുള്ള പിസിആർ നെഗറ്റീവ് റിസൾട്ട് നിർബന്ധമാണ്. അംഗീകൃത ലാബുകളിൽ നിന്നുള്ള പരിശോധനാ ഫലങ്ങൾ മാത്രമാണ് ഇത്തരത്തിൽ സ്വീകരിക്കുന്നത്. ഈ പരിശോധനാ ഫലത്തിന്റെ അധികാരിത തെളിയിക്കുന്നതിനുള്ള ക്യൂആർ കോഡ് റിസൽട്ടിൽ നിർബന്ധമാണ്.

Read Also: എട്ട് മണിക്കൂർ ചർച്ചയ്ക്കൊടുവിൽ വെടിനിർത്തലിന് ധാരണ : പ്രസ്താവനയിൽ ഒപ്പ് വെച്ച് റഷ്യയും ഉക്രൈനും