മസ്‌കത്ത്: വരും ദിവസങ്ങളിൽ ഒമാനിൽ രോഗവ്യാപനം രൂക്ഷമാകാൻ സാധ്യതയുണ്ടെന്ന് ആരോഗ്യ മന്ത്രാലയം. രാജ്യത്ത് നിലവിൽ പ്രകടമാകുന്ന രോഗവ്യാപനം കോവിഡ് വൈറസിന്റെ ഒമിക്രോൺ വകഭേദം മൂലമുണ്ടാകുന്നതാണെന്നും ആരോഗ്യ മന്ത്രാലയം വ്യക്തമാക്കി. ഒമാൻ ആരോഗ്യ മന്ത്രാലയത്തിന് കീഴിലെ ഇൻഫെക്ഷൻ പ്രീവെൻഷൻ ആൻഡ് കൺട്രോൾ വിഭാഗം ഡയറക്ടർ ഡോ. അമൽ ബിൻത് സൈഫാണ് ഇക്കാര്യം അറിയിച്ചത്.
‘നിലവിൽ രാജ്യത്ത് രേഖപ്പെടുത്തുന്ന 99 ശതമാനം കോവിഡ് കേസുകളിലും രോഗബാധിതരിൽ ഒമിക്രോൺ വകഭേദത്തിന്റെ സാന്നിധ്യം സ്ഥിരീകരിക്കുന്നുണ്ട്. മുൻകാലങ്ങളെ അപേക്ഷിച്ച് ഒരേസമയത്താണ് മുഴുവൻ ഗവർണറേറ്റുകളിലും രോഗവ്യാപനം തുടരുന്നത്. ഏതാനും ഗവർണറേറ്റുകളിൽ പരിശോധനകളിൽ പോസിറ്റീവ് ആകുന്നവരുടെ ശതമാനം 25 എത്തിയെന്നും’ അമൽ ബിൻത് സൈഫ് വ്യക്തമാക്കി.
Post Your Comments