ഏറ്റുമാനൂർ: ആമസോണിന്റെ പാഴ്സലുമായി വന്ന ലോറി നിയന്ത്രണംവിട്ട് പോസ്റ്റിൽ ഇടിച്ചു കയറി. പേരൂർക്കവലയിൽ ഇന്നലെ രാത്രി 10.30നാണ് സംഭവം. അപകടത്തിൽ ആർക്കും പരിക്കേറ്റില്ല.
എന്നാൽ ലോറി വൈദ്യുത പോസ്റ്റിൽ ഇടിച്ചതോടെ പ്രദേശത്ത് വൈദ്യുതി വിതരണം തടസപ്പെട്ടു. ആലുവയിൽ നിന്നും ആമസോണ് പാഴ്സലുമായി കോട്ടയത്തേയ്ക്കു വരികയായിരുന്നു ലോറി. മുന്നിൽ പോയ കാർ വെട്ടിച്ചു മാറ്റിയപ്പോൾ ലോറിയ്ക്ക് നിയന്ത്രണം നഷ്ടമായി പോസ്റ്റിലേക്ക് ഇടിച്ചുകയറുകയായിരുന്നു.
Read Also : യെമനിലെ ജയിലിൽ വ്യോമാക്രമണം : 200 പേർ കൊല്ലപ്പെട്ടു, 130-ലധികം പേർക്ക് പരിക്ക്
ഇടിയുടെ ആഘാതത്തിൽ പോസ്റ്റ് തകർന്നതോടെ പ്രദേശത്തെ വൈദ്യുതി വിതരണം തടസപ്പെട്ടു. അപകടത്തെ തുടർന്ന് എംസി റോഡിൽ ഏകദേശം അരമണിക്കൂറോളം ഗതാഗതം തടസപ്പെട്ടു. ഏറ്റുമാനൂർ പൊലീസ് സ്ഥലത്ത് എത്തി മേൽനടപടികൾ സ്വീകരിച്ചു.
Post Your Comments