ശിവപഞ്ചാക്ഷര സ്‌തോത്രം

ഓംകാരം ബിന്ദുസംയുക്തം
നിത്യം ഗായന്തി യോഗിന:
കാമദം മോക്ഷദം ചൈവ
ഓംകാരായ നമോ നമ:

നമന്തി ഋഷയോ ദേവാ:
നമന്ത്യപ്‌സരസാം ഗണാ:
നരാ നമന്തി ദേവേശം
നകാരായ നമോ നമ:

മഹാദേവം മഹാത്മാനം
മഹാധ്യാനപരായണം
മഹാപാപഹരം ദേവം
മകാരയ നമോ നമ:

ശിവം ശാന്തം ജഗന്നാഥം
ലോകാനുഗ്രഹ കാരകം
ശിവമേകപദം നിത്യം
ശികാരായ നമോ നമ:

ഫലശ്രുതി
ഷഡക്ഷരമിദം സ്‌തോത്രം
യ: പഠേത്‌ ശിവസന്നിധൌ
ശിവലോകം അവാപ്‌നോതി
ശിവേന സഹമോദതേ.

ശിവപഞ്ചാക്ഷര സ്‌തോത്രം (2)
നാഗേന്ദ്രഹാരായ ത്രിലോചനായ
ഭസ്‌മാംഗരാംഗായ മഹേശ്വരായ
നിത്യായ ശുദ്ധായ ദിഗംബരായ
തസ്‌മൈ ന കാരായ നമ:ശിവായ

മന്ദാകിനീ സലില ചന്ദന ചര്‍ച്ചിതായ
നന്ദീശ്വരപ്രമഥനാഥ മഹേശ്വരായ
മന്ദാരപുഷ്പ ബഹുപുഷ്പ സുപൂജിതായ
തസ്‌മൈ മ കാരായ നമ:ശിവായ

ശിവായ ഗൌരീ വദനാരവിന്ദ
സൂര്യായ ദക്ഷാധ്വര നാശനായ
ശ്രീ നീലകണ്ഠായ വൃഷധ്വജായ
തസ്‌മൈ ശി കാരായ നമ:ശിവായ

വസിഷ്ഠ കുംഭോദ്‌ഭവ ഗൌതമാര്യ
മുനീന്ദ്ര ദേവാര്‍ച്ചിത ശേഖരായ
ചന്ദ്രാര്‍ക്ക വൈശ്വാനരലോചനായ
തസ്‌മൈ വ കാരായ നമ:ശിവായ

യക്ഷസ്വരൂപായ ജടാധരായ
പിനാകഹസ്‌തായ സനാതനായ
ദിവ്യായ ദേവായ ദിഗംബരായ
തസ്‌മൈ യ കാരായ നമ:ശിവായ