കൊച്ചി : നടി ആക്രമിക്കപ്പെട്ട സംഭവത്തിൽ കൂടുതൽ വെളിപ്പെടുത്തലുകൾ വന്നതോടെ വീണ്ടും വാർത്തകളിൽ നിറയുകയാണ്. നടൻ ദിലീപിനെതിരായ കേസുകളിലെ അന്വേഷണം വേഗത്തില്‍ പൂ‍ര്‍ത്തിയാക്കുമെന്ന് ക്രൈംബ്രാഞ്ച് എഡിജിപി എസ്.ശ്രീജിത്ത്. നടന്‍ ദിലീപിന്റെ വീട്ടിലും സ്ഥാപനങ്ങളിലും ഇന്ന് പൊലീസ് റെയ്ഡ് നടത്തിയിരുന്നു. ഇത് കോടതി അനുമതിയോടെയാണെന്നും അദ്ദേഹം വ്യക്തമാക്കി. ദിലീപിനെ അറസ്റ്റ് ചെയ്യുമോയെന്ന ചോദ്യത്തിന് ഇപ്പോള്‍ മറുപടിയില്ലെന്നും അന്വേഷണം നടക്കുകയുമാണെന്നും എഡിജിപി പറഞ്ഞു.
read also: ഇന്ത്യയും പാകിസ്ഥാനും അപ്രത്യക്ഷമാകും : ഞെട്ടിക്കുന്ന വെളിപ്പെടുത്തലുകളുമായി ശാസ്ത്രലോകം
ദിലീപിന്റെ വീട്ടിലും സ്ഥാപനങ്ങളിലും ഇന്ന് രാവിലെ തുടങ്ങിയ പരിശോധന ഏഴുമണിക്കൂര്‍ നീണ്ടു. ദിലീപിന്റെ വീട്ടില്‍ നിന്ന് ഹാര്‍ഡ് ഡിസ്കും മൊബൈല്‍ ഫോണുകളും പിടിച്ചെടുത്തു. നടിയെ ആക്രമിച്ച കേസിലെ ദൃശ്യങ്ങള്‍ ദിലീപിന്റെ പക്കലുണ്ടെന്ന വെളിപ്പെടുത്തലിന്റെയും അന്വേഷണ ഉദ്യോഗസ്ഥരെ അപായപ്പെടുത്താന്‍ ശ്രമിച്ചെന്ന കേസിന്റെയും അടിസ്ഥാനത്തിലായിരുന്നു പരിശോധന.
Post Your Comments