എറണാകുളം: സംഘർഷ സാധ്യത കണക്കിലെടുത്ത് മഹാരാജാസ് കോളേജും ഹോസ്റ്റലും രണ്ടാഴ്ചത്തേക്ക് അടച്ചു പൂട്ടാൻ പൊലീസ് നിർദേശം. ഇന്ന് ചേര്‍ന്ന കോളേജ് കൗണ്‍സില്‍ യോഗമാണ് ഇതുസംബന്ധിച്ച തീരുമാനമെടുത്തത്. കോളേജിലെ വിദ്യാര്‍ഥികള്‍ ഉന്നയിച്ച പരാതികളില്‍ സമഗ്രമായ അന്വേഷണം നടത്താന്‍ മൂന്നംഗ സമിതിയേയും കോളേജ് കൗണ്‍സില്‍ നിയോഗിച്ചിട്ടുണ്ട്.
ഇടുക്കി എഞ്ചിനീയറിംഗ് കോളേജിലെ ധീരജ് എന്ന വിദ്യാർത്ഥിയുടെ മരണത്തിൽ പ്രതിഷേധിച്ചുണ്ടായ അക്രമത്തിൽ 11 വിദ്യാര്‍ഥികള്‍ക്ക് പരിക്കേറ്റിരുന്നു. 10 കെ.എസ്.യു. പ്രവര്‍ത്തകര്‍ക്കും ഒരു എസ്‌എഫ്‌ഐ പ്രവര്‍ത്തകനുമാണ് പരിക്കേറ്റത്.
അതേസമയം, വടകരയിൽ വിദ്യാർത്ഥിയുടെ മരണത്തിൽ പ്രതിഷേധിച്ച് പഠിപ്പ് മുടക്കാനെത്തിയ എസ് എഫ് ഐ പ്രവർത്തകരെ പോലീസ് അടിച്ചോടിച്ചു. പഠിപ്പ് മുടക്കാന്‍ സ്കൂള്‍ അധികൃതര്‍ തയാറാകാതെ വന്നതോടെയാണ് എസ്‌എഫ്‌ഐ പ്രവര്‍ത്തകർ പ്രതിഷേധവുമായി എംയുഎം സ്കൂളിലേക്ക് മാര്‍ച്ച് നടത്തിയത്. ഇതോടെ പോലീസ് ലാത്തി വീശുകയായിരുന്നു.
Post Your Comments