ചുരുൾ നിവർന്ന് കൂറ്റൻ കണ്ണാടി : പ്രവർത്തനസജ്ജമായി ജെയിംസ് വെബ് സ്പേസ് ടെലസ്കോപ്പ്

വാഷിങ്ടൺ: ആകാശത്ത് ഇതൾ വിരിച്ച് ജെയിംസ് വെബ് സ്പേസ് ടെലസ്കോപ്പ്. 21 അടി നീളമുള്ള,  ദൂരദർശിനിയുടെ സ്വർണ്ണം പൂശിയ കൂറ്റൻ കണ്ണാടി, മടക്കുകൾ നിവർത്തി ആകാശത്ത് പൂർണമായി വിന്യസിക്കപ്പെട്ടുവെന്ന് നാസ അധികൃതർ അറിയിച്ചു. ടെലിസ്കോപ്പിന്റെ പിന്നെ ഏറ്റവും പ്രധാനപ്പെട്ട ലെൻസാണ് ഈ കണ്ണാടി.

യൂറോപ്യൻ സ്പേസ് ഏജൻസി, കനേഡിയൻ സ്പേസ് ഏജൻസി, അമേരിക്കൻ ബഹിരാകാശ ഏജൻസിയായ നാസ എന്നിവർ സംയുക്തമായാണ് ജെയിംസ് വെബ് സ്പേസ് ടെലിസ്കോപ്പ് വിക്ഷേപിച്ചത്. സൗരയുഥത്തിന്റെയും അതിനു പുറത്തുള്ള അസംഖ്യം നക്ഷത്ര സമൂഹങ്ങളുടെയും ചരിത്രാതീത കാലം തൊട്ടുള്ള വിവരങ്ങൾ ശേഖരിക്കുക എന്നതാണ് ഈ ദൂരദർശിനിയുടെ ദൗത്യം.

‘ബഹിരാകാശ ഗവേഷണ ചരിത്രത്തിലെ ഒരു നാഴികക്കല്ലാണ് ഇന്ന് നാസ കൈവരിച്ചിരിക്കുന്നത്. സ്വപ്നം സഫലമാകുന്നു, അതിനാൽ നമ്മൾക്ക് ആശ്വസിക്കാനുള്ള സമയമാണിത്. ലോകത്തെ വിസ്മയിപ്പിക്കാനുള്ള കണ്ടെത്തലുകൾ വരുംകാലങ്ങളിൽ നമ്മൾ അന്വേഷിച്ചു കണ്ടു പിടിക്കും’ നാസ അഡ്മിനിസ്ട്രേറ്റർ ബിൽ നെൽസൺ വ്യക്തമാക്കി.