കരിപ്പൂരിൽ റൺവെ നീളം കുറയ്ക്കുന്നു : പ്രതിഷേധവുമായി വിവിധ സംഘടനകൾ

കരിപ്പൂർ വിമാനത്താവളത്തിലെ റൺവേ എൻഡ് സേഫ്റ്റി ഏരിയ വർധിപ്പിക്കാനെന്ന പേരിൽ റൺവേയുടെ നീളം കുറക്കാനുള്ള ഡിജിസിഎ നീക്കത്തിനെതിരെ പ്രക്ഷോഭത്തിനൊരുങ്ങി വിവിധ സംഘടനകൾ. വരും ദിവസങ്ങളിൽ പ്രക്ഷോഭം ശക്തമാക്കാനാണ് തീരുമാനം. ഡിജിസിഎയുടെ നീക്കത്തിന് പിന്നിൽ ഗൂഡാലോചനയുണ്ടെന്നാണ് പ്രധന ആക്ഷേപം. എന്നാൽ സുരക്ഷ കാരണങ്ങൾ ചൂണ്ടിക്കാട്ടിയാണ് ഡിജിസിഎയുടെ നടപടി.

Also Read : ലോകമെമ്പാടും കമ്യുണിസ്റ്റ് ഭരണകൂടങ്ങൾ തകർന്നപ്പോഴും അമേരിക്ക തകരാതെ നിന്നത് കൊണ്ട് ആയുസ് നീട്ടി കിട്ടി: ഷോൺ ജോർജ്

കരിപ്പൂർ വിമാനാത്താവള അപകടം സംബന്ധിച്ച അന്വേഷണ റിപ്പോർട്ടിൽ റൺവേയെക്കുറിച്ചുള്ള പരാമർശങ്ങളൊന്നുമില്ലെന്നിരിക്കെയാണ് റൺവേയുടെ അവസാന ഭാഗത്തെ സുരക്ഷാ മേഖലയായ റിസയുടെ നീളം കൂട്ടാനുള്ള ഡിജിസിഎയുടെ നിർദേശം. റൺവേയുടെ ഭാഗത്ത് തന്നെ റിസ നിർമിക്കാനാണ് ആലോചന. ഇതോടെ 2860 മീറ്ററുള്ള റൺവേയുടെ നീളം 2560 മീറ്ററായി ചുരുങ്ങും. ഇത് കരിപ്പൂരിലേക്കുള്ള വിമാനസർവീസുകളെ പ്രതികൂലമായി ബാധിക്കുമെന്നാണ് വിലയിരുത്തൽ.
ഇതിനെത്തുടർന്നാണ് വിവിധ സംഘടനകൾ പ്രതിഷേധത്തിനൊരുങ്ങുന്നത്.